#####البكره الي تكسر الشبوك#####

السلام عليكم ورحمة الله
وش السواة بالبكره الجذعه المجهم الي تكسر الشبوك لاتقولون لي قيدها ولا دواها السوق لأنها غاليه علينا ابي حل غير هالحلول

مسيك بالخير ياذعار
ادواها طال عمرك الشبك الطويل اللي ماتقدر اتهايق عليه لأ الشبك أبو متر ونص ماينفع للي اتكسر الشبوك اتشيخ على الشبك وتكسره اما الشبك اللي ارتفاعه من مترين وفوق ماتقدر عليه
وسلامتك

خلها لاجات صوب معشاها وخلصت تخلها شبك صفغات

مسيك بالخير ياذعار
ادواها طال عمرك الشبك الطويل اللي ماتقدر اتهايق عليه لأ الشبك أبو متر ونص ماينفع للي اتكسر الشبوك اتشيخ على الشبك وتكسره اما الشبك اللي ارتفاعه من مترين وفوق ماتقدر عليه
وسلامتك

كلام سليم 100 %

ادرك الشبك وحط من الشبوك القويه
لان مالها طب اللي تكسر الشبك الا بهالطريقة
كانت عندي بكره عجزت فيها اخر شي قيدتها
ولا مرحت البل اربطها تقول بعير

دواها عندي ياذعار
اهجرها ( بهجار خلاف ) يعني يدها اليسرى مع رجلها اليمين واقصر هجارها
وخلها شهر وهذا وجهي انها اتوب من تكسير الشبك وحتى لوكان باب الشبك مفتوح ماراح تطلع الا وتقول ( أمرك ياذعار )

اخوي عليك بالشايك دار مادار على الشبك والله انها ماتقربه اسئل مجرب

تقبل مروري

مرحبا ومسهلا بالجميع لاهنتوا
نبي حلول جديده غير الشبك الحديد والقيد والهجار

اخوي انت الظاهر خايف ان القياد بعدين يخلي رجول الناقة بيضا ولا يهمك !
اقرب صيدلية بشرية خذ منها 4 شاشات الي يحطونه على الرجل ذا ،،، وحط ثنين على اليد اليمنى وثنين على اليد اليسرى

ذعار انا اخوك مالها حل غير اللي قالوا الربع قبلي شبوك قويه ولا بيع ... لا بعض الابل ماينفع معها قيد ولا هجار وراح تطبع باقي الابل اذا ماجبت لها حل وترى الكلام ذا من تجربه وتقبل تحيات اخوك ..

حياكم الله ولا هنتو على المشاركه
ياعبيد وضح لي الطريقه الي تقول؟؟؟

العقال عقلان\
اعقلها عقب العشاء الابل و خلها تمسي لين الصبح

[محمد سالم المنصوري]

السلام عليكم ورحمة الله وبركاته
ذعار السبيعي اكيد البكره حايل عندي الحل خله في شبك حديد من النوع القوي سمكه سته انش
خمسه في سته وقصر عليه من الاكل واربط خيط على الرسغ يد وحده لمدة يومين هذي الطريقه انا مجربنه على ناقه عندي تتخطا الشبوك ولايرده شي

حياكم الله ولا هنتو على المشاركه
ياعبيد وضح لي الطريقه الي تقول؟؟؟

ابشر يا ولد العم
اسمع
تروح صيدلية بشرية تعرف الشاش الي يحطونه على الرجل اذا كانت معفوطة ولا شيء
اشتر من هالشاش 4 حبات ورح لم الناقة وحط شاشين بيدها اليمين و شاشين بيدها الي من اليسار
ولا تخليها تسرح مع البل وخلها على ذي الحالة لمدة شهر وان قدرت تعزلها في شبك كبير يكون احسن وان ماعزلتها بعد مافي مشكلة
اتمنى ان الطريقة وضحت

اسمح لي ــــــــــــــــــــــــــــــــــ
شكلك ياذعار تبي تـــــــــــكويــــــــها ضد مرض تكسير الشبوك
وياليتك تلقاه ولا لقيته تكفى علمنا