شغل عريعره

السلام عليكم ورحمة الله
بسألكم عن الغرف السحب وش رايكم بشغل عريعره وش هو من لحيه وان كان خابرين شي طيب علمونا عنه
نبي شغل زين واسعار معقوله اشوف شغل عريعره سعرها معقول بس ما ادري عن جودتها
شوركم يالنشامى

؟؟؟؟؟؟؟؟؟؟؟؟؟؟؟؟؟؟؟؟؟؟؟

من افضل المصانع بالمنطقه الشرقيه لا من ناحية الجوده ولا من ناحية الاسعار واغلب المصانع هناك ممتاازه

ماعندي علم وارجو من الاخوان افادتك

والله ماهم سواء ..

فيه اللي شغلهم ممتاز .. وفيه .. اللي دون ..

ولكن .. عندك .. الجزيره .. بالصرار ... ممتاز .. ولكن .. شوي.. غاليه ..

ياخ ذعار شغل الغرف يعتمد على طلبك ورغبتك اذا كنت تبي الشغل العدل

والافضليه بالشغل من وجه نظري تلقاهم في شويه

وفي الونان محل لاباس به وعريعره فيها كثرة حدادين لكن مافيه ولاواحد منهم جازي لي شغله

مرحبا بالجميع ومشكورين على الردود ولاهنتوا
نبي ردود الي مجربين

انا عندي غرفه شغل عريعره وماشي حالها اما الديكور فحلوى اما الحديد فوسط وفيه ورش احسن من اللي انا اشتغلت عنده لكن بشكل عام سعرهم مناسب

لا هنت

انا فكرت اشتري غرفه وكلمت صاحب لي في شويه والرجال كفو كفو شرواكم
وعنده ورشه تصلح غرف
لكن قال اذا تبي شغل صح عليك بالرفيعه
وسلامتك والحضور

الاخ ذعار

انا جربت الصرار وجربت متالع اذا تقصد ورش متالع


كلها زينه لكن متالع ارخص والصرار الغرفة اللي عندي قديمه لكن جودتها ممتازه ومتالع والله كذلك بس اللي يعجبك في شغل متالع ديكوراتهم ممتازه واضافتهم للغرفه بشكل عام اضبط


هذا رأيي


دمت بود