رأيكم يهمني.................!!!!!!!!!!!!!

يالربع انا عندي البل مجاهيم والفحل صدف هالسنه ولاضرب فشارو علي الربع اني اهد فيها فحل اصفر..

فابي رايكم هل ينتج منها الاصفر زيين؟

ولو انتج وش يجي انتاجه؟؟!!!

السلام عليكم

اهل الفحول المنتجه واجد وكلهم لحي غانمه

شوف حد قريب منك افضل انك تضربها مغتر

او بيع المغتر وشتر المجهم

حلات الذود متجانس ماهو مشكل

اذا اصفر مجهم اضن عادي

بالتوفيق

شاكر لمرورك اخي فلاح ~
وانا فحلي مجهم
والي ابي اوصله هل لا ضربت المجاهيم باصفر ينتج
منها صفر وهل يجي انتاجه زين ؟

انصحك تصور الفحل

وايضا حدد مكانك يمكن حد يفزعلك قريب

والكل هني مثلك وشرواك رياجيل طيبه

اما اذا ناوي الا هل الفحل يفيدونك هل المغاتير

بالتوفيق للجميع

ياخ صالح

هده وتوكل على الله ان كان اصفر ماهوب اشعل

وهذا يسمى تهجين مثل ماهدوا الباكستاني في المجاهيم اما الانتاج انا ماقد جربت لكن اخبر واحد هده وجاب له بكار طيبه واخذت الاول

ياخ صالح

هده وتوكل على الله ان كان اصفر ماهوب اشعل

وهذا يسمى تهجين مثل ماهدوا الباكستاني في المجاهيم اما الانتاج انا ماقد جربت لكن اخبر واحد هده وجاب له بكار طيبه واخذت الاول

مشكووووووووووووور وماقصرت يا اخ زاهر على ابداء رايك ... لكن الانتاج يبين فيه سر المجهم ولا يقلبها الفحل؟

والفحل اللي بهده فيها اصفر وابوه معروووف با الانتاج الطيب .

دور الفحل الاصفر االادبس وهده فيها وابشر بالزين

اخوي صالح انا شفت في سوق الجنادرية قبل سنه مجاهيم مهدود في اصفر تبارك الرحمن على بناته خيار
ابل بداوة تنومس وامهاتهن اقل منهن بعيد
ماجن سوى البكار اغلبهن اذانيهن حداد ووجيهن وافيه والوانهن مجاهيم وبعضهن فيهن صهابه
والله اني افكر اهد اصفر في المجاهيم من شفتهن الله يستر عليهن

والله يالربع ان ولد عمي راعي مجاهيم وقبل يومين

ينشدني عن الفحول الصفر

ويقول انه شايف إنتاج الاصفر فالمجاهيم وجازله بالحيل

والله يستر من مستقبل البل

عاد الفرق واجد بالطبع والسبق فالشديد

والله ما ادري شبخترعون اهل المجاهيم من هالسالفه!!!!!!!!!!!!!!!!!!!!!

تقبلو مروري

السلام عليكم الله اعلم واغلب الظن بيقلب بناته صفر لان المجهم اغلب شي تعطي لون الفحل وبالنسبه للزين والشين على الفحل ونتاجه ولاكن اللون المجهم ماتسحب لونها الا ماندر تعطي نفس لون الفحل