رايكم الفرس مع البل

اخوانى الاعزاء/ ودى احط فرس مع الابل ومحتاج شوركم وخبرتكم فى
1- هل لها فائده مع الابل
2- وش افضل عمر ابدا فيه
3- اذا كان مهر وشلون تطبيعه
واى ملاحظات وارشادات مفيده زودونى بها والله يجزاكم خير ويوفقكم

يا الربع وينكم عطونا الراى

والله وانا اخوك انا شخصياَ ما جربت اني احط فرس او حصان مع البل

لكن شفت بعيني حصان عربي نوع ( واهو ) عند واحد من الجماعه حاطه مع اباعره

لعياله علشان يتعلمون عليه والعيال هملوه والصبي اهتم فيه وقام يشربه حليب البل و والفها

وصار الحصان هو راعي البل

والموقف اللي وقفله شعر راسي يوم شفت البكره طلعت من الشبك والبل كلها داخله

واللا يوم الحصان جاه بلا وهو مربوط ومشيع له فالارض وهو يروح الصبي وهو يفك الحصان

وهو يجيك بكل ما فيه وهو يرد البكره على الشبك وخلاها تظرب السلك الشايك من سرعتها وخوفها منه

وهي اتوطا الشايك وتطرحه فالارض وتدخل بين البل و ولا وحده طرى عليها تطلع من الشبك

لأن الحصان واقف على حد السلك لين جا الصبي وزين الشايك

من بعدها عرفت ان الحصان هو راع البل يا سبحان من خلقه وألهمه

وتوكل على الله بس لا تاخذ اللا العربي
والله يوفقك

ولو تاخذ فرس عربيه ازين علشان تنتجلك بين وقت و وقت

اخوي عود الابل عليها لأن اذا شافتها اول مره بتجفل
والخيل بشكل عام زينه مع الابل ولا ازيد على كلام ابوعجير

ما عليك زود يا راع الشرفا

ابو عجير ولا يهون راعى الشرفا
الله يجزاكم خير ويبيض وجيهكم ما قصرتو
وكان تخبرون لى شي بيباع مطبع مع الابل وعربى

اخوي الفرس تصلح البل الي عددها فوق 50

اشكركم على المرور

الفرس عندنا تحد الذود وترده

اخوى فلاح اشكر مرورك وتجاوبك
وما تخبرلى فرس مثل الىفى ذودكم الله يبارك لكم
وجزاك الله خير

اخوي عبدالعزيز بمنتدى مكشات قسم للخيل والابل وبتلقى ان شاء الله مطلوبك فيه

الله يجزاك خير اخوى فهد