اللي عنده سؤال عن الابل المجاهيم يتفضل ..!!

السلام عليكم ورحمة الله وبركاتة اخوي فهد وش تقول فى الخلفة هذى تراها مرية من ال حبيب من ال مسند على قول
شريطيها وعليها وسم ال مسند الناقة كل مافيها طيب على حسب نظرتي لها الا وجها كانه دقاق شوي
والناقة جرمها طيب بالحيل يمكن الصورة ظالمتها شوي وتحتها قعود اسود والرجال يحلف انه فحل
القعود وان ابوة من ابل طيبة بالحيل ابيك تعطيني نظرتك وتقيمها للسعر اذا تكرمت

ارحب يابن عطا تراحيب المطر


والصوره ما طلعت نفداااااك

حاول تحملها عن طريق الموقع ( مزاين ) او ترسلها لي على الايميل وانا حاضر


اخوك

ابشر يابن صلبوخ
تراني حملتها من موقعين

ارحب ياعبدالله

والخلفه مبروكه ان شاء الله

شكلها مقبول ولا باس فيها عليها بعض المداخل وفيها بعض المحاسن كطولها وجبر عضاءها وظهرها لاباس به وارقبتها زينه واذنها حاده وراسه عادي ..


واالناقه مثل ماقلت لك مقبوله ..!!


وقيمتها على حسب السوق اللي انت فيه
هذي عندنا فالدمام على حسب هدايتها فهي من 10.000 الى 14.000 للقنّاي


واتمنى قد وفقت في ايصاال المعلومه


اخوك

لاهنت يابن صلبوخ

ولانت طال عمرك

العازمي


وعن اذنك يابن صلبوخ

اذا انت شاريها تمتنحها فشف ديدها وهداوتها الصوره ماتبين للنا الديد والهداوه

ومثل ماقال ابن صلبوخ من 10 الى 15 اذا كان تحتها بكره واذا كان قعود

العشره تزيد الف او تنقص الف والناقه عاديه جدااا ولا فيها شى يعبها من الخارج مقبوله مثل مايقولون

اما اذا كانك بتقنيها فالناقه مباركه وبيرزقك الله غيرها ويزق راعيها

وتقبل كال االود

الله يجزاكم خير ويرحمة والديكم

قدها يابن صلبوخ

تحياتي

تمون ياخالد الودعاني

ومثل ماتفضلت

اخوك

ووالديك مايجون النار ياعبدالله العازمي .. اخوك

ماعليك زود يابن صبيح .. تحياتي لك .. اخوك

الأخ فهد
السلام عليكم
أشكرك على موضوعك الرائع ، الي فيه خدمه للجميع
وأنا أبي أطلب منك طلب
وهو حنا هنا بموقع أسمه مزاين <<<< وش الجديد
جايك بالعلم
ومادخلنا هالموقع إلا علشان نتعرف على الي مثلك وشرواك ونستفيد من خبرتكم
لذلك ودنا لو شرحت مميزات الجمال والزين بالفحول والبكار شرح وافي من السبال للخف
فضلاً لا أمرًَا
وعلى فضواتك

وشكرًا

السلام عليكم ورحمة الله وبركاته
تكفى يابن صلبوخ رايك يهمني عن البكره المفرودة :
هل تصلح للمزاين؟
ماهي ميزاتها وعيوبها؟
كم تسوى تقريبا؟


مقطع فيديو

http://up.9q9q.net/up/index.php?f=bC7pROTTS

الأخ فهد
السلام عليكم
أشكرك على موضوعك الرائع ، الي فيه خدمه للجميع
وأنا أبي أطلب منك طلب
وهو حنا هنا بموقع أسمه مزاين <<<< وش الجديد
جايك بالعلم
ومادخلنا هالموقع إلا علشان نتعرف على الي مثلك وشرواك ونستفيد من خبرتكم
لذلك ودنا لو شرحت مميزات الجمال والزين بالفحول والبكار شرح وافي من السبال للخف
فضلاً لا أمرًَا
وعلى فضواتك

وشكرًا

مرحبا يالخالد

وعطني صورك وانا اقولك وش الزينه ووش الشينه

اما بالنسبه لمواصفات الجمال فهي لاتعد ولا تحصى وتختلف الانظار من ناس وناس

اخوك

السلام عليكم ورحمة الله وبركاته
تكفى يابن صلبوخ رايك يهمني عن البكره المفرودة :
هل تصلح للمزاين؟
ماهي ميزاتها وعيوبها؟
كم تسوى تقريبا؟


مقطع فيديو
http://up.9q9q.net/up/index.php?f=bC7pROTTS

ابشر بسعدك ياحاتم

والبكره ماتصلح نهائياً لا مزاين ولا حتى مقنوي ..!!

البكره عيوبها واجد

وازيّن مافيها لونها وطولها حسب الظاهر فقط لا غير

وقيمتها للقناي من 7000 الى 10.000 بالكثير ..

اخوك