( أستطلاع ) أفضل فحل معروف ومنتج مزاين بادر برأيك

السلام عليكم ورحمة الله وبركاته

أخواني وانا جالس اتصفح في هذا المنتدى الجميل الكبير بأعضائة طرى على بالي
نسوي أستطلاع أفضل فحل

نبي ارائكم عن أفضل فحل انتاج ومعروف على مستوى الخليج وإذا فية صور أفضل للفحل والأنتاج

والشكر للجميع

وعليكم السلام ورحمة الله وبركاته

لاهنت يا أخووي منصور على الطرح الطيب

وانا راي من ناحية فحول المجاهيم

ومن دون منافس

الفحل:الوافي

المالك:ابن قروش العجمي

وهو اطيب فحل مجهم في الجزيره من ناحية الزين والانتاج

وهو غني عن التعريف ولى يحتاج صور ولى فديو

افضل فحل ماشاء الله الفحل مبروكان

بالوضح الله والعالم كحيلان للشيخ عليان الطهيمي أطال اللله عمره

أخوي منصور فكرة رائعة وشكرا لك
أما الفحول فأنا حسب علمي ووجهة نظري بأن هناك فحلين في لون الوضح تميزا جدا
الأول :فحل صاحب السمو الأمير فهد بن عبدالله بن محمد (الهرش الي شارية من أبن مجيهير قبل 13سنة )فحل منتج جدا وعيالة أكثرها منتج
الثاني:فحل المالك هيف القحطاني(تمام)وكلكم شايفينه وغني عن التعريف0

كل هذا أخواني (وجهة نظر)

على ما اسمع عويجين ابو كل الفحول الطيبه ومنها تمام وغيره
لابن صاهود السبيعي

الوضح/ تمام
المجاهيم الوافي

اذا بغيتيوا الوضح فانا اقول بعير هيف القحطاني تمام

وعندك فحل الطهيمي كحيلان

وغيرها يقط ويجيلة سواقط

افضل فحل مجهم ناسي اسمه ولكن اذكر اسم صاحبه الشكرة الدوسري

المجاهيم الوافي لفهد بن قروش
والوضح غافلان للباتل وتمام هيف وكحيلان الطهيمي ورمان ابويد

الصفر ماجد بن عبدالله الحداري المطيري ودبيان السبيعي

والشعل محمد بن هلال المطيري والبياضي فحل مترك بن حجنه

والمغاتير غافلان بعير الباتل وتمام بعير هيف وبعير محمدبن هلال المطيري

والمجاهيم الوفي بعير بن قروش وفحول الفصام ابنا مشعوفان

وتحياتي لجميع

الصفر ماجد بن عبدالله الحداري المطيري .. و..ابن دبيان السبيعي

والشعل محمد بن هلال المطيري.. و..البياضي فحل مترك بن حجنه

والمغاتير غافلان بعير الباتل.. و..كحيلان بعير عليان الطهيمي ..و..رمان بعير فنجال الشيباني

والمجاهيم الوفي بعير بن قروش.. و..فحول الفصام ابنا مشعوفان

وتحياتي لجميع

مساكم الله بالخير جميع أنا أقول إن الترشيح مايكون بس كلام لأن الموضوع راح يكون فيه تعصب كل واحد لإبن عمه ولاكن نبي الترشيح يكون بحصر إنتاج الفحل طبعا المعروفه على الساحه لأن الفحل يجيب طيبه ورديه مهما كان أصله وشكله ولكن تختلف الفحول في عدد الإنتاج الطيب والمشهوره
يعني عند ترشيحك فحل معين أذكر إنتاجه المعروف .

والإقتراح طبعا بعد إذن الإخوان المشرفين
وشكرا

المجاهيم بعير فهد الحبصي الدوسري من دون قصور في باقي الركاب
توه سنه رباع
انتاجه حيران ومفاريد وبناته العام ثنتين صيفيه وشتويه تاخذ الاول على اشواطها في المزاينات المفتوحه واذا اجتمعت في شوط خذت المركز الاول والثاني
والطيب غيرها واجد
وذا الزمان في انتظار حيران الموسم ذا وانجازاتها

وراعيه كحيلان وعياله مطاليق
اذا جيت فابشر بالترحيب والحجاج المنطلق والشحم والترتيب الزين

ودك ان الركاب الطيبه عنده هو واللي مثله من الرجال
بيض الله وجهه ووجه اللي مثله من الرجال

بسم الله الرحم الرحيم

با لنسبه لافظل فحل من وجهة نظري ولكل اظنه بيوافقني على كلامي

هو الفحل المشهور جدا البــــــــــــارز ملك الشيخ مبلش بن سفر المرزوقي

حيث يملك هذا الفحل تاريخ ناصع جدا حيث حصل ابوه على المركز الاول في مزاين ام رقيبه وامه في الفردي وضح على المركز الاول في الزين وهو حصل على الثاني في نفس المزاين

وما كان من هذا الفحل الا ان انتج انتاج لا يظاها لا من حيث القعدان ولا من حيث البكار

ملاحظه مهمه جدا

(عندما شارك المغفور له بأذن الله الشيخ مبلش بن سفر المرزوقي في مزاينات ام رقيبه للمشاركه كانت جميع البل من انتااجه وهذ نقطه مهمه جدا جدا حيث لم يظطر لشراء اي من انتاج الفحول الاخرى ليحصل على النتايج )
حيث ذكر احد الاخوان في الاعلى انه لايوجد سوا تمام وفحل الشيخ عليان الطهيمي ولي غيرها

اذا بغيتيوا الوضح فانا اقول بعير هيف القحطاني تمام

وعندك فحل الطهيمي كحيلان

وغيرها يقط ويجيلة سواقط

نشكر الاخ بدر وهذا رايك ونحترمه ولكن احيطك علما ان الشيخ عليان الطهيمي لم يكتفي بأنتاج فحله كحيلا ن الي هو ابو فحله كحيلا ن الحالي بل اشترى قبل 4اعوام مجموعه كبيره من البل وهن من بنات


البارز بقيمه اكثر من 10 ملا يين ريال وكانت معظمها لقح من البارز وانتجت انتاج غريب وكان من ظمن انتاجها الفحل المشهور البارز وهو ابن الفحل البارز وقد اشتراه الامير عبد العزيز بن فهد باكثر من

6 ملايين ريال ومازالت البل موجوده عنده الى الان وعنده بكار من انتاج الفحل البارز الي باعه على الامير عبد العزيز وهن نوادر وغريبات

وايظا الشيخ هيف لم يكتفي بانتاج فحله تمام بل بحث واشترى من انتاج ابل الشيخ محمد بن سفر المرزوقي الي هو اخو الشيخ مبلش فا اشترى باكثر من 8ملاين ريال