استفسار عن خروفان البقمي

السلام عليكم
عندي استفسار عن ولد خروفان الرحماني البقمي اللي في اللدام على خط الرياض
هل الفحل زين ويستاهل أو لا؟؟

لأن رجال مدحه لي وقال بأودي أبلك عنده الزمان الجاي

ودي أعرف وش أمه هل هي ناقه طيبه ولو قدرتوا تجيبون صورتها

والصراحه خروفان الفحل الكبيرحق ابو صلعه ما شفنا أنتاج واجد له !!!

لو نشوف صور انتاجه وانجازاتها لو أمكن

ما يصير يا الربع يمر على الموضوع 24 رجال ولا يردووووون

الله لا يهينك يا الشريفي على تفاعلك

يا ليت للي عنده اي معلومه لا يبخل علينا

والله لو بيدي شي ماشحيت عليك
ان شاءلله بتلقا الي بيجيب العلم

بيض الله وجهك يا فهد على تفاعلك

ابشر باللي يرضيك طال عمرك
القعود انا شفته طيب وعلى كلام راعيه ان امه ناقة طيبه عند ابوصلعا
وعن انتاج البعير عاده ماانتج عند راعيه السنه ذي جذع اضرب العام على آخر الوقت والقح ثنتين
وابشر ان شاء الله ان انتجت بشوف حيرانه واعلمك بها

لا هنت يا محلفي

الرد من صاحب القعود خروفان ولد خروفان بعير ابو صلعا / محمد الرحمانى البقمى
على استفسار الاخ على صالح المرى وغيره
القعود خروفان سنه جذع هذه السنه واضرب العام آخر الموسم ولقح ثنتين وهو لقى وحده انتجت قبل اسبوع وجابت بكره والاخرى مقرب وقد اضرب هذه السنه عند راعيه وعند عرب كثير ومعروفين اللى عشر عنده واحده وبعضهم اكتر من خمس
وراعيه لم يمنع احد من ضرابه وقد وصل سومه 500الف ريال عند اخر سوام
ونرفق صورته وسنه لقى وكذلك يوجد عند صاحبه قعود حق على خشبان بعير السحيبانى اللى شراه من المرى ابو علاى وهو اخو خشبان المعروف من امه وابيه والقعود آخر سومه وصل 400 الف ريال عند ناصر السحيبانى ونعرض لكم صورته وهو مفرود
وتقبلوا تحياتى
للاستفسار من راعيه محمد الرحمانى ابو سعد
جوال 0505803150

ما شاء الله تبارك الله على خروفان وخشبان

وبيض الله وجه راعيها أبو سعد

أضربنا ذا الزمان على خروفان وتعاشرت الأبل عليه

وما منع الضراب منه
وحاط شبك خاص للي بيضرب عنده يحط أبله بالشبك لين تعشر ناقته

ما أقول إلا عسى ربي يبارك له في خروفان وخشبان ويرزقه منهم الأنتاج الطيب
اللي يغنيه عن باقي الركاب

وبالمرفقات صورة خروفان يوم أنه مفرود

لا شكر على واجب وانت واللى مثلك يا ابو فيصل اضرابهم عندنا على خروفان مكسب لنا ولهم
وبيض الله وجهك
محمد الرحمانى : راعى خروفان

الله يبارك لك يالبقمي في حلالك

بس وين موقع البل الله لايهينك

البل طال عمرك على طريق الرياض الدمام شمال السريع فاللدام شمال هجرة الرافعيه حوالي 5ك م جنوب الاميغر حوالي 2ك م غرب عزبة السحيباني

ارحب يا البقمي
بيض الله وجهك على ترحيبك بالرياجيل
وما هي غريبه على قبيلة البقوم الترحيب بالرجال
وشهادة على ذلك كلام الأخوان عن استقبالك بهم

أما البعير سمعت ذكره من رجال ويمدحه لي
وقلت لازم أعرف ساسه

ولا هنت ودي أعرف ويش أم البعير ذا
هل هي ناقة طيبه أو مقنوي
والبكره اللي من انتاجه وش هي من بكره أن شاء الله أنها غاليه
أنا عجبني ساس البعير يوم عرفت أنه من مربط معيظان ال كلوان
والحين أعجبني يوم أنه عند الرجال اللي يرحبون بالرجال

وعندي سؤال أخير ولا تهون
البكار اللي بساحة العرض اللقينه والعموده هل هن بنات خروفان ال صلعاء؟

الله يحييك ياعلي ابن صالح المري ويقدرنا على الاجابه على كل اسئلتك اماسؤالك عن ام القعودوهل هي طيبه ام مقنوي فهي طيبه ومقنوي وسمتها انا وناصرالسحيباني بعد سنه من شراي ولدها وكان تحتها بكره كسوب بها بمبلغ مائتان وعشره الاف ريال اما سؤالك عن البكره اللي من انتاجه فهي طيبه وكل يوم تزين واما سئوالك الاخيرفلا استطيع اجابتك عليه ولاكن اخر معلوماتي سوم ثنتين من خوات القعود ب3مليون واخوه الكبير سومه 5مليون واخوه سنين قعودى سومه مليون ونصف حسب كلام سالم ابوصلعا صاحب ابوقعودي هو واخوانه امل ان اكون قداجبت على ماتريد وعند حسن ظنك في وفالبقوم وتقبل تحياتي