فحول الاميرعبدالعزيز بن فهد

أخواني أنا شريت لي خلفة وضحا تحتها قعود اوضح يقول راعيها أن أبو القعود بعير الامير عبدالعزيز بن فهد اللي شراه من ابن شريم


من لديه علووم البعير يخبرنا بها؟؟

ومنهو وكيل أبل صاحب السمو الملكي الأمير عبد العزيز بن فهد الحين ؟


وماهي الفحول الموجودة عند الامير عبدالعزيز بن فهد؟



وجزااكم الله خير

ماهو معقوله مرو 24 ولاأحـــــــــــد رد

وكيل الامير عبدالعزيز< جزاع بن حريول
والفحول الي عند الامير كلها طيبه
والله يباركلك في ماشريت
تقبل مروري

وعليك السلام ورحمه الله وبركاته

الامير عبدالعزيز بن فهد حفضه لله شرا قعود من فيصل بن شريم المري وابوه بعير ولي العهد الامير سلطان بن عبد العزيز حفضه لله رمان الي شراه من فنجال الشيباني عام 1421

بعد ماحصل على المركز الأول في مزاين نوفا

والقعود انتاجه رقم ((1))


وعنده بعد الفحل الغني عن التعريف ابو يد وعنده رمان ولد ابو يد وعنده فحل على الباتل وكل الفحول اللي ذكرتها لك انتاجها رقم (( 1 ))

وعنده فحول واجد

أخواني مشعل بن فهد و عناد العتيبي بيض الله وجيهكم على الردود الطيبة


وانا حطيت صورة لقحه شريتها هي والخلفة من ذود يقولون انه من ابل وكيل ابل الامير عبدالعزيز بن فهد ووسمه على الفخذ575 حلقتين بينها حنوة مقلوبه وضح الوسم في الصورة

ياليت اذا احد يعرف وش الوسوم اللي عليها يعلمنا به؟؟

133 زائر ولا أحد رد

مايصــــــير كذا ؟؟؟؟

يا نواف انا مثلك عندي اكثر من خلفه عليها نفس الوسم شافه رجال جاني طاير وراح طاير وقال لي انه وسم ابن مديهش-يقصد 757- والله العالم اني وياك شارين من مراح واحد لان الوسوم وحده

أخوي تركي بن عمران لاهنت على مرورك العطر


أمابالنسبه للناقة راعيها اللي شريتها منه يقول أنها من أبل أبن مديهيش وهذا وسمه اللي على الفخذ 575 وأنه هو وكيل أبل الأمير عبد العزيز بن فهد


وأخوي عناد العتيبي يقول ان وكيل الأبل هو جزاع بن حريول..

طيب منهو ابن مديهيش؟؟؟

ابن مديهش مقاول للعاذريه ومسح ردميات العاذريه بس

اما من صوب الابل اخبر عنده ابل وضح وباعها بس ماهيب الابل اللي عليها العلم حالها وسط وزينها دون شوي

ومن قال لك انه وكيل ابل الامير عبدالعزيز بن فهد ماعنده سالفه

الوكيل المعروف هو جزاع ابن حريول وبس
وابو حمد عشير غانمين

بالنسبه للفحول عنده ابو يد انتاج فاخر وذهب

السلام عليكم اخوي الوسم وسم المديهش وهو عند عبدالعزيزبن فهد بس ماعرف شنو عمله لكن عنده ابل باعها قبل اربع سنوات وكانت رديه ولف بعدها حلوه وكان يظرب من فحول عبدالعزيزبن فهد أكيد وباعها قبل شهرين او ازود

ناصر الحارثي

ناصر العريفي


لاهنتم على العلوم الطيبه

بالنسبه لأبن مديهيش جات أبل عددها 16 ناقه يوم الاثنين 27/4/ 1431هـ في الجنادريه عليها هذا الوسم والابل ماعليها لاهيب ابل مزاين لكنها ابل مقيمه

وعليها هذالوسم وسألت راعيها منهي من أبله قالي هذي من ابل أبن مديهيش وكيل الامير عبدالعزيز بن فهد حسب كلام راعي الابل

وشريت لي لقحه و خلفة اللقحه يقول راعيها انها لقحه على رمان ابو يد والخلفة تحتها قعود أبو القعود البعير اللي شراه الامير عبد العزيز بن فهد من فيصل بن شريم المري

والله العالم

هذا اللي خلاني يالربع أسأل ..

اخوي نواف
على حد علمي وان شاء الله انه صحيح ان البعير الي شراة الأمير عبدالعزيز بن فهد من ابن شريم اصله من الأبل المشهوره (السعوديات) اصلها اهداها الأمير سعود بن محمد الله يشفيه للملك فهد الله يرحمه و الملك فهد اعطاها الأمير سلطان بن عبدالعزيز و اخذ ابن شريم البعير وهو قعود من الأمير سلطان منيح و بعدها اعطاه الأمير سلطان لأبن شريم عطا و شراه الأمير عبدالعزيز من ابن شريم والبعير مافيه كلام الله يستر عليه,
اما وكلا الأمير عبدالعزيز بن فهد للأبل فهم اثنين جزاع بن حريول على بعضها و منصور بن منيخر العجمي على بعضها وتقبل تحياتي

لاهنت أخوي عبدالله الشمالي على المرور

الاخ نواف بالنسبه لوكيل ابل الامير عبد العزيز بن فهد هو منصور بن عجمي بن منيخر وهو اللي عنده الابل المنقيه والفحول النخبه 1ـ فحل الباتل
2ـ رمان بعير فنجال ,, 3ـ رمان بعير ابن شريم ,, 4ـ تمام بعير الامير خالد بن فيصل ,, 5ـ رمان ابو يد.
اما جزاع بن حريول عنده فحل الطهيمي وهياف فحل الهاجري وفحل ابن شويه وفحل ابن مهنا
اما المديهش فهو مقاول مسح الردميات فقط وكان عند فحل منيح من الامير على رمان الجبعاءوشكله وسط وانتاجه وسط..
هذه العلوم الصحيحه

رد: فحول الاميرعبدالعزيز بن فهد

والفحول المجاهيم اللي عند الامير عبدالعزيز وش ساسها