السلام عليكم وبعد ياهل التجربه عندي ناقه مضيرها ولا رد لبنها

السلام عليكم ورحمة الله وبركاته

اما بعد يربع عندي ناقه مات ولدها من شهر وضيرتا من اسبوع وركبت الحوار
ولاكن المشكله ديدها مارد فيه الحليب وابي شوركم الي مرت عليه من قبل التجربه وش الحل وش الي يرد حليبها

علمن اني ارش ديدها بلبن مع شكر والحاشي يمص وتغار ولاهوب واجد غرارها على الحاشي والناقه راكب وترزم ولاتخلي احد يجيه ولدها

وسلامتكم وانتضر ردكم وش الحل في الحليب

ارحب يالمطيوعى

بالنسبة للناقة اشبعها من العلف وخل الحوار يرضعها باستمرار وان شاء اللة بتلبن عقب ايام

[ناصر اليامي]

مرحبا يا راشد
عندنا ناقه نفس حالة ناقتك
وقمنا نعطيها لقام طحين ونكثر عليها العلف ولله الحمد البنت وراح شرها .

عليك طال عمرك بالخضار

ثم عليك بالشمالة شملها وإبهلها ثلاث مرات ومع كل بهله بتحصلها محينة وأحلبها وكثر الحلب يزود حليبها

كثر لها الماء وخلها ترتوي منه

وبهذي العلوم بإذن الله يرتد حليبها

مجربها طال عمرك وما جا شهر إلا وتعبي وتروي أربع رجاجيل وتقبل مروري والسلام

بيض الله وجوهكم على الردود ومشكووورين وتسلمووون