نبت الجثجاث و الرمث للبل

بسم الله الرحمن الرحيم

السلام عليكم ورحمة الله وبركاته

وش حالكم يالربع عساكم بخير


عندي سؤال عن نبت الجثجاث اللي يصير في الأراضي الطينية أو شبه طينية

يقولون أنه حار على البل و أضن أنهم يقصدون وقت الولآدة فهل هذا صحيح ؟

السؤال الثاني بنسبه للرمث على كلام أحد الشياب السوريين من رعات الأغنام

يقول أنه في هذه الأيام يكون حار و الرعي ما يصلح فيه إلا من تاريخ 1يوليو

أي بعد شهرين تقريباً فهل هذا الكلام صحيح ؟

أرجوا من الأخوان لمشاركة بما لديهم من معلومات عن أفضل الأشجار و النبوت

للبل خاصة و قت الولآدة

و لاهنتوا

حياك الله اخوي

بالنسبه للجثجاث يمدحونه للحلال ونا اخبر الحلال من اول ماياكله لكنه مفيد حسب اللي جربوه

اما الرمث فله وقت يكون مناسب للحلال مثل مايقولون البدو له رعوه ورعوته تكون بعد مايورس ويطيح وارسه خاصه اذا جاه مطر ظهر الخضار في عرضه مثل مايقولون منمل في الوقت هذا يكون الرمث في افضل حالاته وهذا الكلام في الشتاء اما شهر سبعه مايصلح الرمث يكون كله مريخي اخضر ولايصلح

هلابك .. لا تخف على البل .. هي تدبر نفسها .. واللي يبي يضرها والا ما يناسبها هي تعرفه بالريح ..
يعنيانت خل البل تفلي ولا تنقل همها ..
اما اذا عندك خلفات وما تبي حليبها يملّح ابعدها عن الرمرام والقيصوم ..
وبالتوفيق للجميع .

حسب معرفتي إن الجثيا تأكله البل بعد ما يحت ويطيح زهره

والرمث أزين حالاته فالشتاء خصوصا اللي جايه مطر

وإذا لقيت رمث دقاق ويابس في هذا الوقت شيء جميل رغم ان هالوقت يخضر الرمث

ماعاد تقطع فيه البل زي وقت الشتاء

لكن تنهش منه اول الصبح وفي آخر العصر في وقت البراد من نهار الصيف

بس خل ماطور الرش والم للقراد

حياك الله اخوي

بالنسبه للجثجاث يمدحونه للحلال ونا اخبر الحلال من اول ماياكله لكنه مفيد حسب اللي جربوه

اما الرمث فله وقت يكون مناسب للحلال مثل مايقولون البدو له رعوه ورعوته تكون بعد مايورس ويطيح وارسه خاصه اذا جاه مطر ظهر الخضار في عرضه مثل مايقولون منمل في الوقت هذا يكون الرمث في افضل حالاته وهذا الكلام في الشتاء اما شهر سبعه مايصلح الرمث يكون كله مريخي اخضر ولايصلح

كفى وفى الاخ علي وان شاءالله انه اجاب على جميع تسالاتك مع باقي الاخوان

بيض الله وجهك يا عبداللطيف السعيدي , ورائيك وافي .

بيض الله وجه كل من علق و إفاد

مشكورين