اختلاف في وجهات النظر بخوص ناقه واجرو المشاركه

بسم الله الرحمن الرحيم
السلام عليكم ورحمة الله وبركاتة
اخواني اعضاء وزوار المنتدا الكريم اسعد الله اوقاتكم بكل خير
هذي ناقه لواحد من بني خي واختلفت انا وياه في
1 لونها هل هي شعلاء ام صفرا
2 نسبت الزين بال100
3 قيمتها
وارجو من الجميع المشاركه بدون اي مجامله
وتقبلو تحياتي

اللون الواضح أمامي في الصورة صفرا

أما نسبة الزين والتقييم فأتركه للإخوان الأكثر خبره مني

اقول انها صفرا

وعليكم السلام ورحمة الله وبركاتة

اللو ن صفرا اما القيمه من 12 الف الى 16 الف على حسب حالها والضاهر انها حايل.

تقبل مروري

الاخوان طلال ومحمد وخالد الله يرحم شيبانكم واسعدني مروركم لاهنتم
وتقبلو تحياتي

اللون صفرا

مايختلف علاها اثنين

والقيمه على حسب حالتها

والزين

مبروكه وزينه

والله يبارك لكم في حلالكم

اللون الواضح انها صفرا

وشكلها طيب وقيمتها غاليه خاصه ان كانت ماهي حايل

والله يبارك لراعيها فيها

وعليك السلام ورحمه الله وبركاته

مبروكه انشاء الله

الون صفرا وتراها حايل

اللون صفرا واسعر اوافق الاخ خالد الشيباني الكان مهيب حايل

اللو ن صفرا القيمه اتقدير على حسب الصور المعروضه

من 0000 الى0000 ؟؟
أما نسبة الزين والتقييم فأتركه للإخوان الأكثر خبره مني

الاخوان الاعزاء فيصل وزاهر وعناد وراشد ومحمد اسعدني مرورك لاهنتم
الاخ عناد نعم حايل
وتقبلو تحياتي

الناقة صفرا 1000 بالمئة

والشكل خيااار لين توصل راسها تكش منه شوي ولاهو بردي لكن ماهو على مستوى جمالها

والسعر كانها حايل من العشره الى 15 الف

واذا ماهي حايل قيمتها فوق

تقبل مروري

السلام عليكم الون صفرا والصفار هذا مايجي الا من ناقه شعلا مضربها فحل أصفر أو العكس والــلــ@ أعلم والبنسبه لزين المبروكه أعطيها 75% والقيمه إذا كانت حايل أعطيها من 10000 ألى 14000
وشـــــــــــــــــــــــــــــــــ*****ــــــــــ :كـ:ــــــــــــــــــــــــــ*****ــــــــــــرآآ آآآ

مع الاخوان حسب الصوره صفراء


والشعل احيانا تقارب الصفر باللون

واحيانا يفرقونه بلون شعفة السنام

الصفراء شعفة سنامها تقارب للسواد

والشعلا شعفة سنامها شقراء

واهل الصفر والشعل اعلم مني ان شاء الله يفيدونك اكثر

اللون ما اختلفوا عليه الاخوان واضح انها صفرا
اما نسبة الزين اعطيها 50% لانها وافيه الا وجهها قصير
والسعر ان كانت جذعه او ثنيه حول ال 30000 الف اما فوقه والا دونه شوي
وان كانت اكبر من كذا فمع كلام الاخوان وحاره بعد
وعفاك