مطلوب معلومه

ماالفرق بين : الهمل ـ والذهيب ـ والضايعة ـ ارجو ان تفسر كل مفردة على حده0

بسم الله الرحمن الرحيم
السلام عليكم ورحمة الله وبركاته
والله ياخوك هذا المنتدي للستفيد والمستفيد واللي يفيد وانا بفيدك
الهمل = اللي اباعر غاديه ثم لم يبحث عنها احد او تعب اهلها عن البحث عنها ولم يجدوها وكل يوم بديرة وتختلط بكل اباعر تشوفها ويقوم اهل البل بطردها ويصيبها جميع الامراض لان لايهتم بها احد وتسمي الهامل اللي اهلها مايبونها

الذهيب = الي توها غاديه او ضايعه

الهمل: هي الابل الي تروح من مراحها وترجع له بدون راعي يردها و اللي يرجعها اما الماء او العلف

والعادة يكون هذا في القيظ

الذهيب والضايعة : نفس المعنى وهي الابل الغادية او الضايعة من راعيها

يا فارس الأخوان جعلهم يسلمون , أفادوك إفاده وافيه .

صبه رده احقنه .........لبن

كلام الاخ مبارك مضبوط ولا قصور فالاخ عبيد
وتقبل تحياتي

مع الأخ مبارك من دون قصور بباقي الأخوان

وسلامتكم

الهمل الغادية من رعيانها من مدة ولا اقدروا يلقونها فهي متروكة لا لها قايد ولا سايق

والضايعة والذهيب العازبة عن رعيانها ولها مدورة بيلقونها وقد تعزب أيام وليالي وتعود للمراح فلا هي بضايعة وتكون هذي عادتها وعادة رعيانها معها

السايبة تسرح بدون راعي وتضوي له في المراح

تحياتي يافارس والسلام