الطخ للابل

مارايكم في اعطاء الابل بقايا السمسم(الطخ) وماهي فائدته اذا كان اعطيتها اياه

السلام عليكم ورحمة الله وبركاته
والله لااعلم ولكن انشالله يفيدونك الشباب ولي عودة وشكرا

مشكور يالعتيبي وجزاك الله خيرا

السمسم دهونيات يعني شحم للابل ولاتكثره منه يعني عطها من 10% إلى 20% بالميه من علفك اليومي

بالنسبه لي أنا أول مره أسمع بهالشي

طخ السمسم وين بس القاه بكميات كبيره ويكون متوفر علف دايم للبل هو ميزته يردم شحم بسرعه ويزين شعرة البل بشكل رهيب ماشاء الله تبارك الرحمن حتى إن البل تقول إن احد داهنها بزيت

السلام عليكم ورحمة الله وبركاته
بعد اذنك اخوي سعدون
ارجو من الاخوان يشرحون كيف طريقة الاستخدام
وتقبلو تحياتي

طخ السمسم وين بس القاه بكميات كبيره ويكون متوفر علف دايم للبل هو ميزته يردم شحم بسرعه ويزين شعرة البل بشكل رهيب ماشاء الله تبارك الرحمن حتى إن البل تقول إن احد داهنها بزيت

كفيت وفيت ياخالد ...

ويتواجد في معاصر زيت السمسم وخاصة في جنوب المملكة حيث ان كمية السمسم هناك كثيره ويباع بسعر رخيص حسب علمي لشوال لا يتجاوز 15 ريال او اقل ...

وبالتوفيق

يالربع فهمونا وش هو لطخ السمسم ؟؟
وكيفية أستخدامه للبل ؟
وهل له مضار مستقبله على البل ولا ... لا ؟

مرحبا بسعدون

ان كانك تقصد عصار السمسم وهو اللي يجي بعد عصر السمسم ويكون شبيه القرص

فهذا أنا جربته شخصيا في ناقة معي تردى حالها واعجفت بالحيل واطرح لها العصار في المعلف واخليه مبثوث
واخلطه مع حب الثفا وبعد كم شهر ما شا الله تبارك الله زان حالها وشوفها يعجب العين ويكحلها

بس إنتبه لا تعطيه للخلفات لنه يدسم الحليب ويغير طعمه ويخبشها وبعض الحيران تعاف حليب اماتها لان العصار
يطعم فيه

هذا عن تجربتي ومدح الاولين له وتقبل مروري

والعرب اللي بالدمام إن كانوا يبون العصار فبيحصلونه بمعصرة السمسم التوماتيكية في حي العدامة

وانا ما اذكر اسم المحل لكنه بجال مطعم دوعن

وان بغيتوا الوصف الدقيق فالله يقديني للقابلة وابوصفه والله يوفق الجميع

الاخوان شجاع الشهري -خالد الحجي-جدعان الجدعان-ابراهيم الحربي-عبدالله الجدعان-وعالي العماري مممممممممممممممماقصرتوا بشرحكم الوافي عن(الطخ) . واما بالنسبه للنوع الذي اسال عنه ياعالي فهو شبيه بالنخاله في شكله فلكم مني جزيل الشكر وهو يوجد عند الحلواني وعند معاصر السمسم

[align=center]
طيب يالربع اللي بالرياض ويبيه وين يحصله فيه بالضبط
كان فيه احد يفيدنا الله يجزاه خير
[/align]

[BIMG]http://www.dohaup.com/up/2010-06-11/admin806790900.jpg[/BIMG]

[BIMG]http://www.dohaup.com/up/2010-06-11/admin253368617.jpg[/BIMG]

هذا هو الطخ والعصار مع ان شكله متغير علي وسألت راع المعصرة وقال شكله يتغير على حسب المكينة اللي تعصرحب السمسم وتقبلوا تحياتي وسلامي

العذر والسموحة ياخوي سعدون بغيت أظهر الصور عبر تحميل المنتدى لكن فشلت فشلا ذريعا

كنز من كنوز الجنة

لا حول ولا قوة إلا بالله

كلمتان خفيفتان على اللسان حبيبتان إلى الرحمن ثقيلتان في الميزان

سبحان الله وبحمده سبحان الله العظيم

السلام عليكم ورحمة الله وبركاته
اخواني عصار السمسم ممتاز وخاصه ممتاز للفحول لانه يردم ضهورها وماينزل شحمها بسرعه وياليت الي يعرف لنا محلاته بالرياض او حولين الرياض يدلنا عليه الله لايهينكم اخواني ,

الله يجزاكم خير جميعاً ,,,