لقـــاح البكره

السلام عليكم ورحمة الله وبركاته

ياخوان عندنا بكره جذعه ضربناها حول 6 مرات اواكثر وعيت تلقح
وقبل الضراب كانت معاقبه البل ماغير تهبد وتطرد وبعد الضراب هجدت
بس ماكانت تشول وكان السوداني يضربها بالقوه
واذا بغينا نحدها على البعير تعود لازم 3 يحدونها ويوم حدينها شولت على خفيف
والحين فكينا البعير بركت له

وش علمها ,,,,,,؟

عليكم السلام ورحمة الله
حسب رأيي الناقة حايل 100%

العجم معسوره على البعير واذا عسرت تكمل 40 ليل ماتيسر وعقبه تيسر السنه الجايه انشالله لاتضربها الى وهي ميسر وابشر باللقاح بفضل الله الكريم

حايـــــــــــــــــــــــــــــــل 101%

السلام عليكم ورحمة الله وبركاته
اخوي لا تعسر الناقه ان بغت اجذعه او فاطر واذا يسرة باذن الله تلقح وان كانك تضرب في هالوقت
الله يستر على الفحل وانطر لين يبرد الثرا اي في شهر 10 ميلادي اطيب للحلال
وتقبل تحياتي

لا ابد مانضرب فذا الوقت وبارك الله فيكم جميع