وش هالداهيه

شكراً اخوي فهد
على تجاوبك السريع

مثل ماذكرت بعاليه اتمنى تواجدهم ومشاركتهم واعطائنا رأيهم
فنحن لانستغني عنهم

وفي مثل هذه الامور لو سمعنى وجهات نظرهم لهانت ووجدنا الحل المناسب لهذه الحيره

وشكراً

بسم الله الرحمن الرحيم
السلام عليكم
أبشر بالعلم اللي يسرك يابو ناصر
جيت راعي البعير(هملان) نايف العتيبي عند أبله في الفروق ووريته الصوره ( وقال هذا قعود على بعيري هملان وعند واحد من الجماعه ) واخبرته عن راي بعض أعضاء المنتدي فيه وأنهم يقولون فيه سر باكستاني ( قال أبدن القعود اللي في الصوره هاذي امه مجهم على أركاب الفرجان الدواسر وأما من جهت أبوه أبعيري هملان أمه على ركاب ال عازب المشهوره خنوفان ودعاسان وابوه صنيقران بعير أبن حفيظ المزروعي ولد صنيقره مشريه من ال منيف بني هاجر ومخبوره ومعروف ساسها وأبوه مشري من الصخابره الدواسر منيييين جاه سر الباكستاني )
وصار بيني وبينه سوالف عن اسرار الابل وقال الاعضاء اللي يقولون فيه سر باكستاني أكيد ماسمعو توصيف الشيبان الاولين لمجاهيم الجزيره والا لو سمعوه
كان عرفو ان ماعندنا ابل الان على الرغم من قوة الانتاج في هاذا الزمان .
والا وينهم عن قول ابن رشيد في ها البيتين قبل 200عام تقريباً
ثـمان ليال نـلـطم العـوص بالنـضا ~ وأدنا مواردها سجا وعـفيف
وأخذنا ذيال الخيل من ضمن فودنا ~ سودن براطمها تهف هفيف

وسؤال للي مايعرفون هل فيها سر باكستاني وذيال الخيل أبل مجاهيم معروفه ابل ابن عقيل المعروف ؟
وجانا من يقول مشعوفان فيه سر باكستاني هل نصدقه ونكذب أنفسنا في أصل مشعوفان الغني عن التعريف.
هذا كلامه .

اخ سيف
مشكور على ماقمت به وتكلفت من العناء الشي الكثير حتى
تأتينا بالخبر اليقين
وطال عمرك دام انك تعرف راعي البعير وتعرف القعود صاحب الصوره
ياليت لو تجيب لنا صور اكثر وعرض فيديو له
قعود فاخر ونادر مثل هذا يستاهل اننا نعرضه هنا ونكون أول منتدى يعمل العرض هذا له
وبارك الله فيه وجزاك الله خير

يامرحبا والله ياسيف

وحيه وحي ماجاب من علم

جزاك الله خير والله اني يأست من هالصوره لها شهر ماحد جاب علمها

جهدك تستحق ان تشكر عليه وكثر الله من امثالك

ولكن مثل ماذكر اخوي خالد

ياليت لو تصوره لنا طالما انك تعرفهم وتوصلهم

الاخ خالد والاخ عبيد

السلام عليكم

أخواني أنا معرفه من قبل من قبل الموضوع هاذا اللهم أنه جاني رقمه على الرسائل الخاصه وصار بيني وبينه اتصال وموعد وجبت لكم أعلومه . وانشاء الله اذا حصل وقابلته ثاني مره أبشرو بطلبكم

بيض الله وجهك ياسيف على ماقمت به من جهود تشكر عليها والى الان وين المشرفين اللي عليهم الكلام في ذا الموضوع ليه مابينوا ولو شي يسير ولو بمشاركه رأي...
والله اني اول ماشفت الصورة قلت بكره وسبحان الله الخالق اوصاف ابوه بالتمام مشاء الله تبارك عسا الله يررزق اهله بالانتاج النادر ولاننساك اخوي عبيد على ماقمت به من جهود في المضي والبحث
عن اب هذا القعود....ليتك ياسيف تجيب صورة القعود في فيديو وكذا صورة له واضحه وضوح الشمس ....

تكرار الطلب ولازلت ملح على معرفه وين موقع القعود واريد اراه راي العين ...