يا اهل العرف افيدونا

السلام عليكم ورحمة الله وبركاته،،،

ابي استفسر من الكايد وإنتاجــه هل عليها اقيام غاليه وإنتاجها وينه ماشفناه ؟؟؟

وشلون إنتـاجه بالزين وكم نسبتها بالميه بنسبه لـ مزاين التحدي ؟؟

والي عنده صور ولا شي مــن العلوم لحد يبخل علينا يالربع

وتقبلوا فايق إحترامي ..........

وعليكم السلام ورحمة الله وبركاته

الاخ ناجي لو توضح اي كايد تقصد لن الاسم ذا اصبح تقليدي

من مالك الفحل الكايد اللي تقصده

الكايد اللي اقصده بعير بن جخدب القحطاني

والله ياخوي ناجي هذا من الاسئله اللي يتردد الانسان في الاجابه عليها لانه بخصوص حلال الغير وما اشوف ان التقييم في محله بدون علمهم سواء كان منصف ام لا
تقبل تحياتي ورايي ومروري بصدر رحب

البعير ياناجي انا جيته وعينت عند راعيه حيران ومفرد مزاين وعزالله انها ازين منه ولاهي بحوله وكلها عليها اسوام طيبه وعقبه نوخت له ام الفحل وجات بقعود فحل وطيب لاهوب اللي فالخاطر لكنه فحل مع العلم ان امه عليها حشوان من اركاب عاديه رقمت فالمزاينات وعليها اسوام وهي ازين من القعود بواجد.