مهجن مجهم ويودي يعني ضروبه

السلام عليكم ورحمة الله وبركاته


اما بعد فيه قعود عمره يلقي سهيل الجاي ابوه مجهم وامه يوديه


وطلع القعود زينه زين مجهم وخاصه في زين ذنيه ولونه لون المغاتير


ومنكم نستفيد وش نوعه هل مال للمغاتير او المجاهيم وفي اي من الفئتين نهده ومشكووورين


الصوره
[BIMG]http://www.alhadafa.com/uploadedfiles/images/7265.jpg[/BIMG]

وهلابكم

بسم الله الرحمن الرحيم

ماشاء الله ياراشد البعير وسرته مافيها من المغتر شي فكه في حمر مجاهيم الله يبارك لراعيه

مرحبا يابو سنيدة ياخذونه اهل الابل الاوارك لتطويرها لبن وزين .

السلام عليكم ورحمه الله وبركاته

بنسبه للقعود وجهه واذنه وسرته مجهم ولونه مغتر

ولايهد في مغاتير والسبب ان المغاتير تختلف وسرتها عن وسرته المجاهيم

مثل ماذكرو الاخوان هده اما في حمر مجاهيم او في الااورك

هده على مسؤليتي في مجاهيم وبيجيب لك حمر مجاهيم خشومها سوووووووووود

هالفحل مشكل
ماشوف انه يهد لانه بيخلط اللون والمواصفات ولو على المدى البعيد
وان كان ولابد فاشوف انك تضرب عليه 3 مجاهيم+ 3 حمر مجاهيم+ 3 حمر مغاتير
وبالتالي ان كان يجذب اللون من المجاهيم ماعاد قربته مجهم وان كان اللون للامهات فهو يصلح مع المجاهيم
وغيره فهو للحمر اقرب-- لان بعض الفحول المهجنه ماتمسك اللون ويكون حسب لون الضروبه
اما الوضح فماهو فحلهن
والله اعلم
تقبل تحياتي

مرحبابكم ومشكووورين على الردود والنصايح ولشوار الطيبه

ولاهنتم