وش الحل مع الناقه الضعيف

يااخوان عندي ناقه لقحه من نص واحد والناقه كان عليها قميعه ماهي سمين ومن يوم جانا ذى الصيف الحار استوى غاربها مع سنامها من الضعف مع اني مدخلها في شبك الخلفات والحين ابي رأيكم عسى يكون فيه خير لي وللي يبي يستفيد وأبي المشاركه من الجميع بدون استثناء

السلام عليكم

اخوي نواف عطها حبوب دود حبتين وبعد اسبوعين بالضبط عطها حبتين ثانيه

واكرمها بالعلف وبتشوف الفرق

ولو ماهيب لقحه كان قلتلك ابرة هيام بعد

بس مدري هي تضر اللقحه ابرة الهيام ولا لا

وربي يبارك لك فيها ويرزقك منها

بسم الله الرحمن الرحيم

لا ازيد على ما ادلا به اخوي المقاطي فقد كفا واوفا

عبدالمحسن المقاطي

بيض الله وجهك وهل انت متأكد انها ماتضر على اللقحه؟

ياهلا وغلا ياخالد الفالح بس ابي اعرف هل حبوب الدود (((مجربه))) وماتضر او لا

السلام عليكم ورحمة الله وبركاته
اخوي في ابر اسبانيه او برازيليه عطها واتكل على الله والابر ماتضر الالقحه ام المعشر تضرها
وتقبل تحياتي

جدعان شكرا لطرح القيم بس اسبانيه او برازيليه هذي مافيها تأكيد والناقه غاليه عندي ابي شي مجرب غير حبوب الدود ولاهنت على طرحك

حبوب الدود ماتضر اللقاح

انا اعطي ابلي كل سنه اللقاح وغيرهم

ماتضر بأذن الله لا لقاح ولا غيره

حبوب الدود ماتضر اللقاح

انا اعطي ابلي كل سنه اللقاح وغيرهم

ماتضر بأذن الله لا لقاح ولا غيره

شراب الدود وابرة الجرب تضر اللقاح والا لا.......

جدعان .. طب البدو اوقات ينفع


عند واحد من المعارف ناقه ضمرت حيل

واعطاها

جاره ,,,

طريقتها تحط قدر غطا الجاره الخفيفه او اقل شوي

وتضيف عليه المويه و حاول انها تكون في قدر المويه الكبيره او اكثر شوي الين ما تحس ان المويه تغير لونها

وتعطيها وان شاء الله تطيب .. . كتبت هالكلام للفايده

لكن إبراء للذمه الناقه ما اذكر هي لقحه او لا ... هالكلام حتى افيد اخواني الاخرين

طال عمرك الابر انوع وانا قلتلك عن افضل نوعين الاسبانيه اعتقد اسمها ايفادول علبتها لونها اصفر باحمر وعليها صورة بقرا بيضه اجلكم الله
وهذي مفعولها قوي ويبطي يعني تعطيها مرا وحده فقط وانا قبل امس عطيت القحه عندي والبرازيله ويطلق عليها فرنسيه كذالك لون علبتها زرقا بصفر وشكلها كنه البرميل الصغير تعطا مرتين
بين المرا الاولى والثانيه 15 يوم وكذالك في السوبر اوفمك الامريكي بس انا حبيت اذكر الافضل والله اعلم فاذا بغيت تعطيها ابرا عليك بالاولى واذا مالقيت شف الثانيه واذا ماقيت شف الثالثه
ولا يضرن اللقحه بأذن الله والله اعلم
وتقبل تحياتي

انا بختلف عن رأي الأخوان

اذا كان مافيها مرض بين تشوفه بعينك

عليك في تقطيع ( الهدب ) حنى نسميه هدب او له ثاني

هو قطع اللحم الي تكون داخل فم الناقه ... من تفتح فهما تلقاه كأنه ( ثيل العشب ) واذا كان طويل

ولا تقدر الناقه تضرس عليه قطعه .. هذا سبب رئيسي يخلي الناقه تضمر ولا تقدر تاكل

لان الناقه كل ما تبي تاكل يجي على الضرس الهدب ولا تقدر تاكل منه

شوف ااحد من البدو يعرف يطقعه .. او السودانيين عرفوله

شراب الدود وابرة الجرب تضر اللقاح والا لا.......

اذا تقصد شراب الدود الامريكي او اي نوع ثاني وابرة الجرب الفرنسيه

وانا اخوك انا اتكلم عن الشي الي جربته بنفسي في حلالي

استخدم حبوب الدود المركزه حبتين واذا لزم الامر استخدمت ابرة الجرب الفرنسيه فهي ممتازه ولا تضر اللقاح واعطيتها اكثر من مره لابلي

ايضاً على حسب كلام الدكتور الي اتعامل معه ان ابرة الجرب الفرنسي تقضي على 13 نوع من انواع الدود

واما اذا الناقه ماهي لقحه حبوب الدود وابرة الهيام وعليك بالنوع البارد لان فيه على ما اعتقد الهنديه تكون حاره شوي على الناقه ماني متاكد من اسمها ولكن بأمكانك

سؤال الدكتور في جميع ماذكرت قبل عمل اي شي

عبدالمحسن المقاطي شكرا لك ياكريم وراح اعطي الناقه حبوب الدود والتوفيق بيد الله

مرحبا يامحمد اليامي على كلام المقاطي ماتضر