القعود القصير الي ماله سنام,,,,,,,,,,,,,,,,,

السلام عليكم ورحمه الله وبركاته

عندي قعود ابو 6 شهور وحولها وقصير مره ومافيه سنام والبرسيم والمكعب ناقع عنده

وش الي يطلع سنامه ويطوله ,,,,,,,.؟

تم النقل للقسم المناسب

نفس المشكله عندي ,, ياليت الاخوان يفيدونا
جربة ادوية الدود مانفع !!!

السلام عليكم ورحمه الله وبركاته

الاخ مشعل بنسبه لسنام القعود يمكن ضهره اعر مايضهر سنامه والشي ذا صفه وراثيه

وكذلك يمن يكون القصر الي فيه صفه وراثيه وكثير من الحشوان تتغير بعد كل فتره

يمكن يتغيير ويمكن مايتغيير يجيك ماهو بنضير

اذا كان ابوه منتج وامه كفو وام فحل اصبر عليه واذا ينقصه من الشيين اللي ذكرتهم

بعه ولاتفحله

مع الاخوان الله يعوض عليك

الاخوه الاعزاء ماتنفع الاعلاف بدون حليب الام في مثل هذا العمر تبغاه يتعافى لا عاد تشمل امه

اضم صوتي لـ عناد العتيبي

وكان عندنا قعود نفس المشكلة

وبعناه ..

تقبل مروري ..

السلام عليكم

مامثل حليب امه

السنام مايضهر من العلف إلا ليا كبر

واحرص عليه خله يشرب من حليب امه هو الي ينفعه دامه حوار

الحين العلف ماينفعه مثل الحليب

لاتشمل امه وبتشوف الفرق وفرق كبير بعد

مرحبا اخوي كان عندي قعود نفس حالة قعودك وعطيته شراب للدود 40 سم عن طريق الفم على الريق اهم شي وفكه على امه لا تشملها وطالع القعود بعد شهر ومايحتاج مكعب لبن وبرسيم يسد

يطولي بعمرك يامشعل شف يمكن الحوار صورة طبق الأصل لأبوه والا لأمه والا لواحد من عمانه وعماته وخواله وخالاته

يعني الزبدة طال عمرك العرق دساس ويمكن نازعه عرق من أحدهم

ولا عليك الكلافة قارن بين الحوار وبين قرايبه وإنشد عنه الشيبان وبتعرف سنامه هو أعر بسبب الوراثة أم بسبب التغذية

حينها تجد الجواب الشافي فإن كان بسبب الوراثة فماراح يظهر سنامه إلا بإرادة الله وإن كان بسبب التغذية

فالحيران تبي حليب يشبعها ويفتق ظلوعها وعليك بشراب الدود

وكلام الأخوان الله يجزاهم بالخير وافي وما قصروا والله يبيض وجيهم

مساك الله بالخير
قبل كم سنه كان عندنا بكرة ماتت امها عقب ولادها بايام، والمشكله ان امها ولدت في اول الصفري وقمنا يا طويل العمر نرضعها برضاعه من حليب المعزه حوالي 5اشهر وحاله حال عدوك سنامها كانه (سطحه) لين نصحنا شايب من الجماعة بان نرضعها من حليب الغنم لانه انفع من المعزة ولان البكرة عافت حليب الخلفات قمنا وجربنا حليب الغنم ولا والله يوم زانت حالتها وظهر سنامها وغدى اكبر مافيها

رد: القعود القصير الي ماله سنام,,,,,,,,,,,,,,,,,

هذا لاا ما يصلح ترسنه وتقوده

مطلوب عند هل المزاينات

رد: القعود القصير الي ماله سنام,,,,,,,,,,,,,,,,,

مشكووووورين وماقصرتوا

وابشركم القعود زان وطال وطلع سنامه والله يجزاكم كل خير

رد: القعود القصير الي ماله سنام,,,,,,,,,,,,,,,,,

السمن مع الحليب

يخلي عظمه يفتق لوانه حق

رد: القعود القصير الي ماله سنام,,,,,,,,,,,,,,,,,

السلام عليكم ورحمه الله وبركاته

الاخ مشعل بنسبه لسنام القعود يمكن ضهره اعر مايضهر سنامه والشي ذا صفه وراثيه

وكذلك يمن يكون القصر الي فيه صفه وراثيه وكثير من الحشوان تتغير بعد كل فتره

يمكن يتغيير ويمكن مايتغيير يجيك ماهو بنضير

اذا كان ابوه منتج وامه كفو وام فحل اصبر عليه واذا ينقصه من الشيين اللي ذكرتهم

بعه ولاتفحله

مع الخ عنااااااااااد