أبي شوركم يا أهل الشور

أنا عندي بكرة مزاين وغاليه لكن مريضه وهزيله مررررة وماتشتهي العلف عطيتها أبرة جرب أمريكيه وأبرة هيام هنديه وحبوب دود لكن لازالة ضعيفه واليوم لاحظت تورم تحتي ضلوع البكرة فوق المبرك واذا ضغطته بصبعي تبق اثر صبعي واضح وش العلاج تكفون
أفيدونا ما أجورين......

هلابك يالعتيبي

اخوي فيه تجربه لاحد الاخوان في هذا المنتدى وكانت مفيده ياليت تجربها

وهي كالتالي

علبة ببسي كبيره + نسكافيه قهوه تخلطها داخل غرشة البيبسي وتسقيها البكره وعطني علووومك. . . وهذي اذا مازادتها ان شاء الله ماراح تضره

أشكرك جزيل لشكر ولكن علبه نسكافيه كامل؟
ونبي من الاخوة المزيد من النصائح لعلى نلقى العلاج..

هذي صورة البكـــــره والله يجعلكم سبب في علاجه..

السلام عليكم

ياخوك البكره مريضه هذي

وانكان ابرة الهيام مانفعت فيها ولا حبوب الدود

اتوقع انها مريضه

البكره مبطيه عندك ولا شريه جديده

ومن متى وهي ضعيفه ياعبدالركريم

يا عبد الكريم

مسيك بالخير والله يشفي بكرتك وانا اخوك الله هو الشافي

لكن وانا اخوك شف الناقه ان كان من عند مبركها زورها على كلامك منتفخ ولا ضغطته يبقى اثره فهذا هيام ان كان الورم وصل رقى للرقبه مالها طب واعزلها عن ابلك لان الابل يمكن تاكل دمنها والا القردان ترى تنقل المرض وانت تاكد خاف انها شوكه نا قة الهيام تاكل فالبدايه بس ما تستفيد البكره شكل مبطي فيها الهيام...........

كم لها بالظبط
ان كان النفاخ ماوصل رقبتها فابشر بالعلاج باذن واحد احد وانا انشالله بعالجها لك

لله ما ابي منك لا جنيه ولا ريال والشافي الله سبحانه

انا كان عندي ناقتين قيهن هيام وحتى حللتها دم وطلع هيام لا تطق ابر ولا تسوي شئ وابشرك عالجتها واللحين حالها من اطيب الابل ابشرك والطريقه علمني عنها واحد شايب من الجماعه عسى الله ان ينفع بها

الطريقه طويله وخاف اشرحها تلخبط انت والقراء بعد لانها شغلات كثيره

عساك فالرياض والا حولها عشان اجيك اعالجها لك

الله يعوض عليك
اذا الناقه حالها ظعيف واكلها ما يسرها شوي بتاكل وشوي ما تاكل وتشوفها وقفه لحالها وعيونها تدمع والورم الي فيها مثل السفنجه لي ظغطته هذا هيام في مراحله الاخيره الله يعوض علينا وعليك
علاجها ان كان الله راد لها السلامه ابرة السيملرسان الفرنسيه خل الهنديه ما تجيب نتيجه وابرة الجرب البرازيليه الزرقاء وفوق ذا كلها علاج الدود خذ لها شراب الدود الصباح بدري وامنعها من الاكل 3ساعات وخلها تشرب ماء كثر لها منه. وعطها فاتح الشهيه الطحين الي علبته بنيه مثل علبة الكريم الله العالم اسمه كملاكس سعره 45 ريال هذا جيد لا تاخذ ابو عشره والا يقول ذا احسن لا تاخذ الا ذا ان مجربه مع البل ما يغثها على طول الناقه راسها في المعلف ماهو زي الثانيات تغتث وتغثك. فيه ابرة الايمازول تفيدها ما تضرها على حسب وزن الناقه مرتين على بيها ثلالث ايام لكن ما هو للهيام بس ياذا فيها امراض ثانيه في الدم يقضي عليها وغالي شوي يبيعونه بالسم بس ما دري له ضرر على اللقاح والا لا اسال الدكتور انا ما جربته عليها والله يشافيها
كرر السيميلرسان بعد عشرين يوم مع العلم انه مدة الوحده سنه
ان كان انك قريب من مستشفى ما له داعي الكلام ذا خذ لك برواز دم وافحص عندهم ونص ساعه والنتيجه عندك

اذا ودك تجرب علاج طبيعي
4 حبات بصل مقشر+ ربع كيلو ثوم تقريبا وافرمه بالخلاط مع اضافة كاس ماء صغير وحطه بكيس مربوط زين واذا جيت البل اظف عليه براد شاهي ربيع ثقيل بدون سكر بعد مايبرد وغره البكره
انا جربته في ناقه وسلمت ولله الحمد واللي علمني راعي ابل من الرعيل الاول
الله يشافيها ويبارك لك فيها

افحص الدم والبعر الله يكرم من يقرا

السلام عليكم ورحمة الله وبركاته
مساكم الله بالخير
والله , الورم ما وصل رقبتها
وانا حاولت فيه بالابر وحبوب الدود مافيه فايده
وبجرب طريقة الأخ حاتم
والي عنده حل لا يبخل علينا فيه

عبدالكريم

شف وانا اخوك انا كنت انشدك عن مكانها بس ما رديت لاكن انت سوها بس لا تلخبط بشئ

سو اللي اقوله لك من غير قصور فالربع

الطريقه انشالله تنجح والله هو الشافي:-

1- خذ حبوب دود 4حبات وكسرها صغار او اطحنها بنجر وحطها بموية صحه ام ريالين حط نصها مويه لا تملاها ورجها لين تذوب مره وقيد البكره وغرها غر اي وقت عادي.

والله يشفيها انشالله

2-بعدها ب3 ايام جب علبتين ببسي العايله ووحده سفن اب وغرها فالناقه ان ذرقت ابشر بالخير انشالله.

3-ابرة هيام فرنسيه دقها فالخويرم كل 28يوم 3 ابر لتأكيد 28يوم لاتنقص يوم ولا تزود الابره الاولى ابد فيها قبل وعادي اي وقت.

ياهلا ومرحبا
.... جزاك الله خير يا محمد
والله مكاني بعيد , بحايل !!
لكن , ابسوي الطريقة , والله يجزاك الف خير
وما قصرت يالغالي , ووسع الله صدرك
ورزقك أن شاء الله

مساك الله بالخير يراعي البكره الله يشفيها ...بكرتك فيها وحده من العلتين اذا ماني غلطان اول شي يمكن انها ماكله كيس نايلون وانشالله ان ذي ماهي المشكله وعلاجهاا حلول قوي مثل الملح الانجليزي والعله الثانيه يكون دود مزمن وعلاجه ابرة افمك امريكيه عليها صورة خروف وتضرب تحت الجلد وبعد اسبوعين تكرر نفس العمليه وماتشوف شر

أشكر جميع الاخوة على تفاعلهم وجزاكم الله كل خير والله لايصيبكم بمكروه ...
البكـــره أسهلة يومين بعد ماطقيتها ابرة أفميك الامريكيه لكن أن شاء الله بنسوي كل طريقه ذكرتوها والشافي الله سبحانه ..