ماهي الطريقة الزينة

حياكم الله جميعاً

حبيت اعرف وش الطريقة الزينة
للظراب هل اخلي البعير في شبك ولا يكون كبير ودخل علية النياق الي ابي اظرب
او اهدة طلق مع الابل في شبك كبير الي هو شبك الابل 30 * 30 وخاف انة يطرد ويكسر حالة ولابل الي معة

الشي الثاني عندي قعود لقي وابي اعلمة هل يظرة التعليم يعني ممكن يغظرة الظراب لو مايلقح ولاعاد يخلية يرتفع فوق

الطريقه تعتمد على حالة البل وعددها ونوع شبوكها وطبيعة ارضها وحالة الفحل وطبعه
في الحالات العاديه: افضل طريقه حسب وجهة نظري للبل اللي تبات بالشبك ان البعير يكون طلق مع البل وعلى يده
ولكن ان كان السلك شائك فلاتفكه فيه جيب لك درف قويه واعزل الضرايب فيها وخله يبات معهن كل ليل طلق وكل ماعشرت ناقه ردها مع باقي البل في المراح الثاني وانا اطبقها واخليه بعض الاحيان طلق من صلاة العصر برى يسن ويطرح على يده تحت مراقبتي انا والعيال ولا الصبيان ما نعتمد عليهم
وبهذه الطريقه تسلم بقية البل من المزاحم والمطارد والبعير ماينعسر على البل ولا تنعسر عليها وهو يختار حسب فطرته
اما اللقي فما اشوف انك في حاجه تعلمه خله لين يجي جذع وبيتعلم بالفطره لانه يهيج ويبلشك بدون فايده والاستعجال احيانا يخليه يبرك خطأ وتبتل معه السنه الجايه
تقبل تحياتي

كفيت ووفيت اخوي حاتم العماري

كفيت ووفيت اخوي حاتم العماري

انا مع اخوى حاتم فى هالموضوع واشهد انه وفا وكفا

الطريقه تعتمد على حالة البل وعددها ونوع شبوكها وطبيعة ارضها وحالة الفحل وطبعه
في الحالات العاديه: افضل طريقه حسب وجهة نظري للبل اللي تبات بالشبك ان البعير يكون طلق مع البل وعلى يده
ولكن ان كان السلك شائك فلاتفكه فيه جيب لك درف قويه واعزل الضرايب فيها وخله يبات معهن كل ليل طلق وكل ماعشرت ناقه ردها مع باقي البل في المراح الثاني وانا اطبقها واخليه بعض الاحيان طلق من صلاة العصر برى يسن ويطرح على يده تحت مراقبتي انا والعيال ولا الصبيان ما نعتمد عليهم
وبهذه الطريقه تسلم بقية البل من المزاحم والمطارد والبعير ماينعسر على البل ولا تنعسر عليها وهو يختار حسب فطرته
اما اللقي فما اشوف انك في حاجه تعلمه خله لين يجي جذع وبيتعلم بالفطره لانه يهيج ويبلشك بدون فايده والاستعجال احيانا يخليه يبرك خطأ وتبتل معه السنه الجايه
تقبل تحياتي

كلام جزل كفيت ووفيت اخوي حاتم
وعلى فكره ترى البعير الي يسرح مع امهاته لقاحه افضل واقوى من المربوط خاصه اول هياجه