أبي شوركم ياهل الخبره .. صور

بسم الله الرحمن الرحيم

ابي استشيركم يالربع بكره لقحه عمرها اربع سنوات لصاحب لي حب انه ياخذ رايكم ..’’

وان كان بها عيوب تذكر علموني بها وابي رايكم يالربع بالبكره من جميع النواحي ..’’

وهذي صور لها ..+.. مقطع فديو ..’’

بأنتظار ارائكم ..

دمتم بخير

الضاهر بصوره انها طيبه ولو عضمها قصير شوي

وللقناي مايعيبها

وشوف نضر الاخوان

البكره طيبه وراسها طيب جدا
والظاهر ان بها سر باكستاني ولاني متاكد

ماشاء الله كان مافيها كلام الله يبارك لراعيها

تحيه

الاخ عبدالرحمن

الناقه مبروكه ونسأل الله لنا ولك البركه

ذكر اخونا سفر ان الناقه ساسه باكستاني
ولكن حسب صورة الناقه والعلم عند الله سبحانه ان ما فيها ساس باكستاني بالمره

وثانيا حسب صورة الناقه تعتير ناقه عايديه

الناقه جرمها صغير وكل ما فيها صغير ومتساويه
ما فيها سنده

ورقبتها قصيره وراسها صغير

اللي اشوفها فيها من زين سبلتها زانه والبكره شبب

المزحمي

بيض الله وجيهكم يالربع وجزاكم الله خير

ماشاء الله كان مافيها كلام الله يبارك لراعيها

انا مع الاخ عبدالله بن مطلق

بخصوص سر الباكستاني ما اظن فيها سر باكستاني

البكره زانه زانه زانه ،،،، مقنوي
أهم شيء عليك بالبعير المبروك

الناقه طيبه ولا فيه شي يعيبها وانا اعتبرها جمله وهذا ما يؤكدذلك الصورة

مقدم الناقه واقف الحكي دونه لاكن موخرها عادي وبارك الله لك فيها وفي حلالك

مقدم الناقه طيب لاكن موخرها عادي .. مغنوي طيبه عسى الله يبارك لكم فيها