العمرالمناسب اللي تفردفيه الحيران عن أماتها

السلام عليكم ورحمة الله وبركاته
ماالعمر المناسب اللي تفرد فيه الحيران عن أماتها؟
أقصد بعد كم شهرمن ولادتها
مع خالص الشكرلردودكم مسبقاً

حوووووووووووووول

وانا مثل اخوي محمد سنة كاملة

سنه كامله

لي راي مختلف
----------------------------------------
الامر يعتمد على ترتيبك وهدفك وهل الحوار زين ولا عادي
الحيران العاديه اللي لها سبعة شهور وفوق افردها ليا طلع سهيل وخل امهاتها تقابل موسم الهداد من اوله بس نقع قدام الحيران البرسيم والمكعب او الشعير ولا راح تتاثر كثير
الحيران الطيبه فقط فتستاهل تخليها لمدة اطول
بعض العشاير الفطر حليبها يصبح قليل الفائده وفرد ولدها عنها مع اكرامه خير من حليبها
بعض العشاير تفرد ولدها عنها شفقة عليها
تقبل تحياتي

لي راي مختلف
----------------------------------------
الامر يعتمد على ترتيبك وهدفك وهل الحوار زين ولا قصب
الحيران العاديه اللي لها سبعة شهور وفوق افردها ليا طلع سهيل وخل امهاتها تقابل موسم الهداد من اوله بس نقع قدام الحيران البرسيم والمكعب او الشعير ولا راح تتاثر كثير
الحيران الطيبه فقط فتستاهل تخليها لمدة اطول
بعض العشاير الفطر حليبها يصبح قليل الفائده وفرد ولدها عنها مع اكرامه خير من حليبها
بعض العشاير تفرد ولدها عنها شفقة عليها
تقبل تحياتي

عطاك الزبده العماري

تحيه

وعليكم السلام ورحمة الله وبركاته

الحوار طال عمرك اذا كمل ستة شهور ما عاد عليه خلاف

والبدو مبطي اذا جاء للحوار ستة شهور حطو في خشمه خلال
حتى لا يرضع امه وسموه مخلول

ومن تجارب كثيره شفنا اذا كمل الحوار ست شهور فردناه عن امه
وماصار الاكل خير الحوار يسمن ويزين وامه ترتاح وتزين

الأخوة / محمد الموركي ، طلال الروقي ، حاتم العماري ، رجاآل محمود ،
محمد الحنتوشي ، عبدالله المزحمي
شكراً على ردودكم
الأخ / حاتم العماري وفيت وكفيت