الفزعه يالنشاما ؛؛

السلام عليكم ورحمة الله وبركاته
اولآ ابارك عليكم الشهر الفضيل
ثانين يا أخوان تكفون من الي خابر له راعي او عنده راعي يعطيني رقمه
بس هالشهر لان السوداني جا يم الوالد اليوم وقال عطني حسابي وبغا اروح
وتعرفون عاد انتم برمضان تعب وربطه بس الله يجزاكم خير الي خابر له راعي منى ولا منى يعطيني رقمه ويكون بالقصيم
وشكرآآ

اخوي عبدالعزيز

هاليومين في رمضان يصعب على احد انه يلاقي راعي

حاول انك تمسكه بأية وسيلة وانا اخوك لا توهق

في رمضان الرعيان يدورون الجلسه والمكيف يبون يصومون في براد ولا يبون السرحه

حاول ماتفكه بأي عذر لين تخارج عمرك هالشهر او انك تلاقي واحد

واحد من الربع يدورله راعي 1800 الحين ولاهوب لاقي احد يسرح معه من قبل رمضان بكم يوم

وللحين يدور لاتسوي سواته

والله يوفقك

أخوي عبدالمحسن المقاطي المشكله انه على كفالة واحد ثاني وطلبه كفيله
ولا لاونه ماله كفيل كان يقعد غصبن عليه بزيادة راتب ولا بدون ))