سؤالي الا اهل الأبل والخبره

[بندر العفيش]

السلام عليكم ورحمة الله وبركاته

سؤالي الا اهل الابل وهو: إذا هديت فحل منتج في إبل من الوسط أواقل هل ينتج منها ويعدل الابل ولا يكون تاثيره ضعيف وهل كل الفحول المنتجه تغير في الابل ولا بعض عن بعض لأن بصراحه الوالد عنده مايقارب 80 من الابل ولا كن من الوسط وحول وناوين إن شاء الله إنجيب إلها فحل منتج لعل وعساء لأن بصراحه نكد عليها ولا نستفيد منها

وماهو إقتراحاتكم لنا علما ان ابلنا مجاهيم وقديمه عندنا

أتمنى من الاخوه المشاركه في الرأي وذكر تجاربهم بهذا الخصوص

وأشكر القائميين علي هذا الصرح العملاق المميز وأسأل الله لهم التوفيق

تم نقل الموضوع الى

قسم الاسئله والاستشارهـ


اما عن جواب سوالك وانا اخوك


اولاً : هذا من توفيق الله

وثانياً :

هذا عن معمق البعير وانا اخوك فيه بعض الفحول

عمقها طيب ونتنج من ابل طيبه ومن ابل وسط ومن ابل تحت الوسط

وما اقول الا الله يوفقك ويرزقك

من ناحيتي وانا اخوك انك تروح لأحد الرياجيل اللي شرواك اللي عنده زمول طيبه وضرب اباعركم عندهم بدال ماتشتري بعير وسط وانتاجه وسط رح ضرب عند ابو 5 ملايين او اكثر والله يرزقكم بالقعود الطيب اللي ابوه طيب

وجهة نظر

هلا وغلا بك اخي بندر العفيش
الله يحييك بين اخوانك في منتديات مزاين والله يبارك لكم في حلالكم
بالنسبه للفحل المنتج له تأثير ويرفع البل الي زينها وسط وفوق
وأما البل الي اقل من الوسط لا أعتقد انه يرفعها
تحياااااااااتي لك ,,,

[بندر العفيش]

تم نقل الموضوع الى

قسم الاسئله والاستشارهـ

اما عن جواب سوالك وانا اخوك

اولاً : هذا من توفيق الله

وثانياً :

هذا عن معمق البعير وانا اخوك فيه بعض الفحول

عمقها طيب ونتنج من ابل طيبه ومن ابل وسط ومن ابل تحت الوسط

وما اقول الا الله يوفقك ويرزقك

يعطيك العافيه خوي نواف على النقل

والله يجزاك خير على الدعوه

[بندر العفيش]

من ناحيتي وانا اخوك انك تروح لأحد الرياجيل اللي شرواك اللي عنده زمول طيبه وضرب اباعركم عندهم بدال ماتشتري بعير وسط وانتاجه وسط رح ضرب عند ابو 5 ملايين او اكثر والله يرزقكم بالقعود الطيب اللي ابوه طيب

وجهة نظر

شروآك الطيب بس هل هم يستقبلون كل واحد ولا لازم معرفه ؟

[بندر العفيش]

هلا وغلا بك اخي بندر العفيش
الله يحييك بين اخوانك في منتديات مزاين والله يبارك لكم في حلالكم
بالنسبه للفحل المنتج له تأثير ويرفع البل الي زينها وسط وفوق
وأما البل الي اقل من الوسط لا أعتقد انه يرفعها
تحياااااااااتي لك ,,,

هلابك ياولد العم ورأيك فوق راسي

مرحباا يابندر... البل اذا ساسها طيب وحتى لوكانت اشكالها وسط تنتج وتجيب طيب الأن الساس له دور مهم جداا ويساعد البعير كثيراا في الانتاج بس ان البعير يكون منتج ومدام ابلك على ساس اتعب على البعير وفالك الأنتاج الطيب

[بندر العفيش]

مرحباا يابندر... البل اذا ساسها طيب وحتى لوكانت اشكالها وسط تنتج وتجيب طيب الأن الساس له دور مهم جداا ويساعد البعير كثيراا في الانتاج بس ان البعير يكون منتج ومدام ابلك على ساس اتعب على البعير وفالك الأنتاج الطيب

أشكرك على إبداء رأيك ويعطيك العافيه يابو حمد

والله وانا اخوك مو كلهم والغالبيه مايحتاج معارف ولا شي


والله نصيحتي لك انك تروح لهم

انا عندي ناقه ماتسوى ناقه حليب فقط الشكل ماش شكل وبطنها ردي وضربتها عند عتيبي معه بعير ينسام 200 الف وجابتلي بكره والبكره تنسام 60الف الحين

السلام عليكم

اخوي من وجهة نظري الفحل الطيب والمنتج لابد يصير له بصمه على البل حتى البل الوسط او الي دون شوي اذا كانت عموق الفحل طيبه

لابد يحسنها الي دون بينقلها للوسط والوسط بينقلها للزين هذا الطيب والمنتج

اما الي يخم ويخطي يعني انتاجه مهوب واحد بتحصل انشاء الله في برقه حاشيين ولا ثلاثه زينه والباقي بتكون بين وسط وعاديه على حسب البل وطيبها وعموقها الي وراها وشهي

وانكانكم ناوين تشترون بعير اخذلكم قعود طيب على بعير منتج تشوف خوات القعود وش درجتها من الزين بتصير قيمته حليوه ارخص من البعير المنتج ولانت بخسران بقيمته بتحصلها كل سنه بأنتاجه

ولا يمنع انك اتنوق مع هالبدو اهل الفحول الطيبه الي عليها سروات كل بعير حطله 3 ولا 4 نويقات على الي عندكم في المنطقه وباقي البل فك فيها القعود

وبتعين خير انشاء الله

وربي يوفقك ويرزقك

[بندر العفيش]

والله وانا اخوك مو كلهم والغالبيه مايحتاج معارف ولا شي


والله نصيحتي لك انك تروح لهم

انا عندي ناقه ماتسوى ناقه حليب فقط الشكل ماش شكل وبطنها ردي وضربتها عند عتيبي معه بعير ينسام 200 الف وجابتلي بكره والبكره تنسام 60الف الحين

ماشاء الله الله يرزقك العام ضربنى عند بعير الامير قايد البحريه ضيعت اسمه بس ماعشر منه الا ثلاث لقحات عليه وعاد بشوف بس البعير طيب ولا ادري ايش عموقه لان عنده حول 6 فحول وخترنا واحد وعلى الله

[بندر العفيش]

السلام عليكم

اخوي من وجهة نظري الفحل الطيب والمنتج لابد يصير له بصمه على البل حتى البل الوسط او الي دون شوي اذا كانت عموق الفحل طيبه

لابد يحسنها الي دون بينقلها للوسط والوسط بينقلها للزين هذا الطيب والمنتج

اما الي يخم ويخطي يعني انتاجه مهوب واحد بتحصل انشاء الله في برقه حاشيين ولا ثلاثه زينه والباقي بتكون بين وسط وعاديه على حسب البل وطيبها وعموقها الي وراها وشهي

وانكانكم ناوين تشترون بعير اخذلكم قعود طيب على بعير منتج تشوف خوات القعود وش درجتها من الزين بتصير قيمته حليوه ارخص من البعير المنتج ولانت بخسران بقيمته بتحصلها كل سنه بأنتاجه

ولا يمنع انك اتنوق مع هالبدو اهل الفحول الطيبه الي عليها سروات كل بعير حطله 3 ولا 4 نويقات على الي عندكم في المنطقه وباقي البل فك فيها القعود

وبتعين خير انشاء الله

وربي يوفقك ويرزقك

الله يوفق وجهك الطيب كلامك عسل

شوري عليك من محبه
50 ناقه فحلها طيب اخير من 80 فحلها مثلها
اسملوا البل المتوسطه يامال الشحم بتصير فوق المتوسطه واشتر بقيمة السمل بعير طيب الراس و الساس حتى لو هو كبير في سنه
وكذا بيصير عندك ابل فوق المتوسط وفحلها طيب ومن تسبب رزقه الله
تقبل تحياتي

[بندر العفيش]

الله يرزق هالوجه الطيب ونعم الراااااااي والله وهذا الي طاري علي

اشكرك اخوي حاتم