هداد الركاب ودخول سهيل

رد: هداد الركاب ودخول سهيل

مرحبا اخوي الكريم مليون
عزيزي اذا البعير مامعه ذيبه بأمكانك حل هذه المشكله بأبسط الامور ويمكن علاجها بالطريقه الصحيحه التي سوف اذكرها لك لكن اذا معه قليل من الهزه فلايمكن علاجها اما اذا كانت طريقة تعليمه غلط فهذه لها اسباب ومن هذه الاسباب
1/ اما يكون تم هده قعود من غير متابع وفي ابل مش سمينه واجد لانه اذا تم هده في ابل سمان واجد حتى لو بدون معلم فانه يتعلم ( ينسل) على عرقوبه لان سنام الناقه يحفها الى الخلف
2/ السبب الثاني انه يكون المعلم اللي عنده عليمي ولايعرف كيف يتم طريقة تعليم القعود على الانسلال اي الابراك على العرقوب اولأ ومن ثم الزو ..
3/ السبب الثالث انه يكون اول هداد له في ارض صلبه وهذا سبب رئيسي لانه لو انسل على عرقوبه تندحس عراقيبه مره ومرتين بيتم يهاب الابراك على عرقوبه وبيفضل انه يبرك على زوره ومن ثم يبرك براك عادي على عرقوبه


العلاج

يمكن علاج هذه المشكله اخوي الكريم لك ولااخواني التي لديهم نفس هذه المشكله
1/ عليك اختيار له في بداية الهداد البل السمان قبل كل شي
2/ لايتم هداده الا ولديه اثنين من الرجال السريعين في الحركه اذا برك على الناقه واحد يمسحه مسحه واحده من الخلف ( بسيطه لمسه خفيفه في البدايه ) واذا بدأ يتحرك يستعد للبراك يكون الشخص الثاني عند الزور يضربه ضربه قويه على زوره ( شريطة ان يكون شي قوي ) مثل راس مسمار خيمه ( هذا في البدايه فقط ) ويترك عند وقوفه وعند محاولته للبراك مره اخرى تعمل نفس الطريه الشخص اللذي بالخلف يعطيه كم من مسحه خفيفه والشخص الاخر الواقف عند الزور يضربه بشي قوي
وانت راح تلاحظ عليه التغيير من اول

تكمله لما جاء اعلاه
3/ اذا كان البعير يبرك في مكان صلب حاول انك تحط تحت عرايقبه برنوس علشان يتعود على ينسل على عراقيبه

هذا كل مالدي وانشالله اهل الخبره من الاخوان مايقصرون

واي شي ثاني انا حاضر

رد: هداد الركاب ودخول سهيل

ارجو من المشرفين الكرام تثبيت الموضوع لبداية توسعه ليستفيد منه أكثر شريحه من الزوار

رد: هداد الركاب ودخول سهيل

رفع لأهمية الموضوع

رد: هداد الركاب ودخول سهيل

الموضوع هذا المفروض انه يثبت لانه مفيد جداااا

يالبريدي الله يبيض وجهك انت ومن شارك في هذا الموضوع

رد: هداد الركاب ودخول سهيل

الاخ / بخيت البريدي
جزاك الله خير الجزاء , ووفقك دنيا وآخره ,
موضوع مهم ,
تشكر عليه , ويشكرون جميع الاخوان اللي اثروا الموضوع بردودهم ,
..
يثبّت الموضوع لإهمّيته ,


دمتم

رد: هداد الركاب ودخول سهيل

السلام عليكم ورحمة الله وبركاته

في البداية كل عام وانتم بخير


وجزاكم الله خير على ماتقدمون من مواضيع مهمة ومفيدة للجميع وعندي استفسارين اذا تكرمتوا ...


نبي نعرف هالسنة متى افضل وقت للهداد شهر شوال او ذي القعدة ؟


عندي قعود شاريه والله مدري دخل جذع والا هالشهرين وعندي ناقة حايل لي سنتين اضربها مع هالناس ولا كتب الله تلقح وهي قد استالدت اكيد اخلي هالقعود يتولاها والا ادور بعير غيره وهي سمين ولي شهرين محرمها الشعير وعليها طولها

جزاكم الله خير ولكم كل الاحترام

رد: هداد الركاب ودخول سهيل

بسم الله الرحمن الرحيم

اولا التمس العذر منكم لانقطاعي عن المنتدى هذه الفتره والاسباب خارجة عن الاراده

ثانياً انا اثني واشكر على اخوي الغالي مشعل اللي ثبت الموضوع ولاهيب غريبه عليه متابعة المواضيع المهمه حتى لوهي قديمه لكن المواضيع المهمه التي تهم اكبر فئة من الناس تلقى من يهتم فيها من المهتمين الي يبون يساعدون الناس وهذا دليل على ان اخوي مشعل متعود على مساعدة الاخوان سواء في المنتدى او خارج المنتدى
لذلك اكرر شكري وتقديري له لانه من الاخوان اللي انا افتخر بعرفتهم ف هذا الصرح اللذي نعتبره المغذي الروحي لنا في المدن وضجتها

اما بعد بخصوص اخوي اللي يسئل عن هداد بعيره الجذع فأنا اقوله اخوي الكريم اذا انت تعرف صاحب القعود اسئله متى اولاد البعير لانه لن يلقح ولم يلقح من ذي قبل وهذا من واقع تجربه واستفاده من اهل الخبره الله يحفظهم الشيبان (الى ماندر ) واعني انه يمكن انه يلقح قبل دخول وقت ولاده وهذا يرجع الى سر القعود


اذا عرفت ولاده متى هده بعد ولاده وانشالله انه بيلقح
احنا نسمع من بعض الاخوان اللي يهد جذع يقول انا هديته وما القح الا متأخر تعرف ليش؟ لانه عسر القعود والعسر يعني يأخر لقاحه بعد ولادته اكثر من اربعين لين ويتم طول هداده لسنين المقبله الى بعد ولادته بأربعين ليل
مثال اذا القعود ولاده شهر 12 وهو هده قبل ها الشهر يعني شهر 11 السنه الجايه اذا هده ماراح يلقح الى بعد نص الشهر من من شهر واحد والبل ماراح تبين الى بعد 14 يوم لان عليه برد - يعني ولاد ابله السنه الجايه في النصف من شهر 3 شفت ان الموضوع بسيط لكن انه له عواقب وخيمه


انا ادليت بدلوي واعرف واثق ان في هذا المنتدى منهم اكثر مني خبره واعرف مني بإيصال الصورة الصحيحه للمتلقي ..
فشكرأ لكم وتحت امر من يريد اي استفسار الله يحفظكم ويفظ حلالكم من كل شر ودمتم سالمين

رد: هداد الركاب ودخول سهيل

الموضوع هذا المفروض انه يثبت لانه مفيد جداااا

يالبريدي الله يبيض وجهك انت ومن شارك في هذا الموضوع

ووجهك طال عمرك

رد: هداد الركاب ودخول سهيل

رفع لأهمية الموضوع

رفع الله قدرك عند الله والناس

رد: هداد الركاب ودخول سهيل

السلام عليكم ورحمة الله



يالربع عندي قعود بهده بداية شهر ذو القعدة ولكن بطنه كبير شوي



قصرت عنه فالعلف وماعاد نفطره وهو حاله ماهوب هاك الزود بس بطنه كبير



مع العلم انه مايسرح مع امهاته يفكه الصبي عقب العصر الى المغرب





شوووووووووووووركم يالرررررررررررربع

رد: هداد الركاب ودخول سهيل

قصر عليه في الماء طال عمرك وخله بقيد طويل مع البل وسبحه المغرب وربطه واذا جا الليل اقطع الما منه وخله يسرح مع البل ثلاث ايام بس وشوف النتيجه

رد: هداد الركاب ودخول سهيل

بيض الله وجهك يابخيت وكثر الله من امثالك

رد: هداد الركاب ودخول سهيل

ووجهك يابو شافي

رد: هداد الركاب ودخول سهيل

الله يبيض وجهك يابخيت


هديت قعوداً عندي جذع على ناقة حايل بس كل ماستشمل حط يده فوق ظهرها ثم طاح جنبها واخذ شوي بارك




واشوفه ماهوب حرص على الضراب مع العلم انه في رمضان كان هايج وشب فامهاته

رد: هداد الركاب ودخول سهيل

الله يبيض وجهك يابخيت


هديت قعوداً عندي جذع على ناقة حايل بس كل ماستشمل حط يده فوق ظهرها ثم طاح جنبها واخذ شوي بارك




واشوفه ماهوب حرص على الضراب مع العلم انه في رمضان كان هايج وشب فامهاته

مرحبا فيك والله يبارك لك انشالله في حلالك اخوي الكريم

الجذع طال عمرك اهم شي عندك بداية هداده لاتهده ولايضرب وهو شارب ماء اقل شي يوم نص يوم يعني من بارحنه مايذوق الماء وتهده الصباح ماعنده خلاف

اما الناقه لاتكون سمين لانه مايضف الناقه عدل حاول ان تكون اول ناقه يضربها ضعيف علشان يكون شفق على الضراب في غيرها ولاعنده خلاف انشالله الجذع مايفدر يوم تقول انه كان هايج في رمضان لكن يمكن تكون الناقه كربته شوي ولاضفها عدل واموره زينه وهذا شي عادي لكن لقاح الجذع مهب على طول وانشالله ربي رزقك منه الانتاج الطيب