لو تكرمت تفضل

السلام عليكم ورحمة الله وبركاته ..

من العادين من الفايزين وعيدكم مبارك والله يعيده علينا وعليكم بالصحه والعافيه ..

يا الربع عندي استفسار وما لقيت قسم في المنتدى كله انزل فيه غير هالقسم ( مستلزمات البل )

اليوم مريت الجنادريه ادور لي شبوك حديد للبل ولقيتها عنده الاشوام شبك حديد ارتفاع 3 متر عرض 4 متر 2 بوصه على 150 ريال .

يا الربع انااشوف انها غالية بالحيل انتم وش رايكم اشتري والا افصل شبوك ولو بفصل شبوك وين المحلات الي تسويها ؟؟

تكفون يا الربع افزعو لي وعطوني الشور الي ما يخيب ضروري .

رد: لو تكرمت تفضل

حياك الله اخوي عبدالعزيز وجعلك من عايد العيد ان كانطك منت راعي شديد فبوصيك بحديد مواصير الحفارات حقت الماء ثقيله ولك وللزمن وانا ماخذ منها زينه للشبوك الثابته لا ناقه ولا بعير يكسرها او يرفعها تلقاها قليله عند بعض السوريين في الجنادريه غاليه شوي اخذت الدرفه 120 من مكاسر من 170 ريال بس كد ومد
اما راعي الشديد ثقال عليه
ان كانك في الرياض مرني وشفها واحكم بنفسك

رد: لو تكرمت تفضل

وعليكم السلام ورحمة الله وبركاته

يامرحباااا يا خوي عبدالعزيز

شف ونا خوك مثل ماقالك ابوفالح
إن كانك راعي شديد لا تثقل على عمرك بالشيل والحط في الثقيل

وأن كانك مقيم وبتركز شبوكك أنا أشوف إن سعرها مناسب تقريباً

خصوصاً وأنك تقول إن إرتفاعها 3 م وعرضها 4م والحديد 2 بوصه

ولاتنسى إن الحديد غالي ماعاد هو مثل أول

أنا شريت من الجنادريه قبل ثلاثه ايام 8 الوحده على 80
أرتفاع متر ونص وعرض 3 والحديد بوصه ونص
مع 8 مرابيع خشب الوحده على 15 ... 100 %

وسألت اللي شريتهن منه عن التفصال وقال يسويه على حسب الطلب اللي تبيه
سوداني تلقاه في آخر محل إذا ديورت من بعد جرش متجه جنوب المحلات يمينك

وشف راي ابوفالح تراه ماشاء الله عليه ذهين وكلنا نستفيد منه ومن شوره

وسلامتك وعفاك وبالتوفيق

رد: لو تكرمت تفضل

حياك الله اخوي عبدالعزيز وجعلك من عايد العيد ان كانطك منت راعي شديد فبوصيك بحديد مواصير الحفارات حقت الماء ثقيله ولك وللزمن وانا ماخذ منها زينه للشبوك الثابته لا ناقه ولا بعير يكسرها او يرفعها تلقاها قليله عند بعض السوريين في الجنادريه غاليه شوي اخذت الدرفه 120 من مكاسر من 170 ريال بس كد ومد

اما راعي الشديد ثقال عليه

ان كانك في الرياض مرني وشفها واحكم بنفسك

لا بالله ماني شاد ابيها في محل ثابت والي لقيتها مثل ما تفضلت .بس اني مستغليها لكن بعود عليه وبكاسره .

لكن اليوم بمره باذن الله وبنزل صوره للشبك وانزلها المغرب او العشا

رد: لو تكرمت تفضل

وعليكم السلام ورحمة الله وبركاته

يامرحباااا يا خوي عبدالعزيز

شف ونا خوك مثل ماقالك ابوفالح
إن كانك راعي شديد لا تثقل على عمرك بالشيل والحط في الثقيل

وأن كانك مقيم وبتركز شبوكك أنا أشوف إن سعرها مناسب تقريباً

خصوصاً وأنك تقول إن إرتفاعها 3 م وعرضها 4م والحديد 2 بوصه

ولاتنسى إن الحديد غالي ماعاد هو مثل أول

أنا شريت من الجنادريه قبل ثلاثه ايام 8 الوحده على 80
أرتفاع متر ونص وعرض 3 والحديد بوصه ونص
مع 8 مرابيع خشب الوحده على 15 ... 100 %

وسألت اللي شريتهن منه عن التفصال وقال يسويه على حسب الطلب اللي تبيه
سوداني تلقاه في آخر محل إذا ديورت من بعد جرش متجه جنوب المحلات يمينك

وشف راي ابوفالح تراه ماشاء الله عليه ذهين وكلنا نستفيد منه ومن شوره

وسلامتك وعفاك وبالتوفيق

بيض الله وجهك يا عادل وانا باخذ برايكم وبنزل لكم صوره من الشبك .

الشبوك ابيها للفحول قبل الهياج وانت خابرين لازم نجودها ..

انا الي رادني عنها واستشرتكم لاني شاري قبل 5 سنين شبوكن عليها الكلام وحديد ثقيييل بالحيل ب 80 ريال اما الي شفتها خفاف حديدها ولاهيب شئ لو يجيها خروف كسرها

رد: لو تكرمت تفضل

ارتفاع واحد ونص متر وليس 3 متر خطا مطبعي ..

المهم الحديد ثقيل بالحيل وسميك واليوم كاسرت ابيه يمين يسار 145 وخذيت عازتي منه والله يبيض وجيهكم على المشوره