رائكم يانشاما بالهرش نهده او لا

السلام عليكم ورحمة الله وبركاته
بغيت استشيركم اهد الهرش او الاوضح - الهرش انا عرضه للبيع شاريه قبل العام وعندي له انتاج - ارفق لكم صورة بنته -والاوضح الابل لقحات عليه له صور بالموضوع السابق لي

رد: رائكم يانشاما بالهرش نهده او لا

شوف يامناحي الفحل راس كايف لكن العيب فيه رقبته ونتا لحظ صورة انتاجه اللي بالصور
والحين الناس تبي طول رقبه وراس حلو
وانا من رايي انت اعرضع للبيع وشف كم يجب ....وفيه حل ثاني اذا تعرف احد يبدل بدله بفحل ازين منه حتى لو تزيده بفلوس اكثر ازين من متبيعه بخساره
والراي الاول والاخير لك يا اخوي مناحي .................. وانتا فكر بكلامي بالتبديل

رد: رائكم يانشاما بالهرش نهده او لا

أخوي مناحي .. كلام الاخ عبدالمجيـد صحيح .. وانا أوافقه الراي ..

البعير .. بعـه باللي يجيـب يا اخوي ...

وهـذاك شف انتاجه .. وان طلع مثل انتاج خويـه !! بع الثنيـن وزد عليهـا .. وأخذ لك قعود جذع أو ثني .. من سلاله طيبه .. ولا انت بخسران

حتى لو غلي عليـك ...

....

وان كان انتاجه كله مثل البكره هاذي فما ينقنـي ياخوك !!
علماً أن أغلب الفحول يختلف طرحهـا .. فمن الصعب الحكم على انتاجه من خلال بكره واحده !

....

والاوضح البي البل لقحات عليه ابرك منه !

....

وانتبه ياخوي ترى الفحول اللي يتراخصها الواحد .. ويهدها فالبل .. تراها تدمر البل .. !

لاتشري ألا شيً تشوف انتاجه .. ! أو تأكد من سلالته .. وتشوف خواته .. وامهاته !

....


أخوك ..

رد: رائكم يانشاما بالهرش نهده او لا

السلام عليكم ورحمة الله وبركاته ، الاخوان عبدالمجيد ومشعل
مشكورين على رائكم وماقصرتم وبيض الله وجيهكم على هذى النصحية.
وبشركم ان الهرش يسام بأكثر من قيمته بكثير
والاوضح يقول اللي شريته منه انه ولد خشم العان والله مدري وهو صحيح او لا