&& مــــــزيــــون بعــيــون راعيـــه &&

السلام عليكم ..
صبحكم الله بالخير....

ابي منكم الراي يالربع ... وتقيمكم لهالقعود من ناحية المواصفات الزينه والشينه بكل أمانه ومصداقيه

{ راسه , اذانه , سبايله ,شواربه , الغارب , السنام , ... الخ الخ }

مع العلم ان لونه اسود ولكن مع اثر الغبار والعج تغير لونه بالصوره وصار افتح من لونه الحقيقي ...

واللي على جسمه غبار وتراب .... يعني هو لونه اسود قاتم

سنه حق ... وش رايكم يالربع .. انا انهبلت عليه ونويت اشتريه بس قلت اشاوركم قبل يااهل المعرفه والخبره ..

يصلح افحل به الأبل ولاأيش ؟؟ ..

ولكم جزيل الشكر .. اخوكم فارس بن محمد

الاخ العزيز فارس القعود عادي مافيه شي يميزه اللهم اسباله ضافيه

وراسه عادي ولحيه ردي

وقيمته في بحر ال7 الاف

هذا حسب مايتضح لي من الصوره

ولا تسستعجل اخذ معك حد من اهل النظر وده يشوف القعود على الطبيعه

والله يكتب اللي فيه خير وصالح

الاخ الكريم فارس

الله يحييك بين اخوانك وربعك

وطبعاً الفحل بالنسبة للابل مثل الساس بالنسبة للبيت يعني يجب على راعي الابل ان يختاره بعناية شديدةويكون ذلك

مبني بالدرجة الاولى على الاصل ثم بعد ذلك الشكل ومن ثم امكانيات الشخص المادية فاسعار الفحول صارت غالية جداً

وبالنسبة لملاحظاتي على قعودك وان كان من الصعب جداً الحكم على الصورة فهي كالتالي:

الجرم : طيب وكبير , الظهر زين والغارب لاباس به , العظا وافي وان كان الصورة لم تظهر خفافه

الاذن قصيرة نوعاً ما , السبلة الفوقية قاصرة , الاطيمس طيب , الرقبة قصيرة

وفي رايي الخاص لاشجعك على مشتراه الا اذا كنت متأكد من طيب اصله ويكون سعره مناسب

ولك صادق التحية

الاخ فارس لو عندك غير هذي الصوره للقعود
اقدر فيدك

اخوي فارس
حياك الله واشكرك على الاستشاره
وماقصروالاخوان

اما من صوب القعود فهو مايصلح فحل نهائيا

احسن مافيه خده وخشمه والباقي ردي جدا جدا

الغارب قصير ووركه محقا ورقبته قصيره وجبره واذنه قصيره ولاهيب حاده ولحيه ردي وراسه صغير

واشوف انه مايتعدا الــ خمسة الاف ريال وواجد عليه

تحياتي

واشكرك على ثقتك في نفسك

اخوك

هلا بك يافارس..

انا مع الاخوان في اللي قالوه..

القعود بصراحه مافيه شيء يميزه او يخليك تغامر وتشريه.. الا اذا تعرف ان وراه اصل يمكن..

وانصحك تشتري فحل احسن منه ونفعته حاضرة وينتج لك خلال سنه..

افضل من انك تنتظر القعود كم من سنه لين يضرب..ولاتدري ياتصيب ياتخيب..

واذا مصمل انك تشتري قعود مفرود والا حق رح لاهل الفحول اللي عليهم علم واشتر من عندهم وان شاء الله انك ماتخسر لو تنتطر لين يضرب..

اخوك..

الاخ فارس

من استشارك دخل في ذمتك

وانا بعطيك رايي على القعود الي بين من الصوره انه عادي ولا فيه شي يميزه

لحيّه ردي وظهره ماهوب زين لأن سنامه متقدم وغاربه قصير وذنه قصيره

واحسن شي تشوف غيره

هذا رائي

ولك تحيتي

اخوك

الاخ فارس

أعتقد أن الاخوان الذين سبقوني لتقييم القعود أعطوك نظرهم ورأيهم

وهم من أهل المجاهيم ولديهم دراية كاملة بمواصفاتها أكثر مني

وأنا أوافقهم الرأي في كل اللي قالوه

أخوك