البعير ضعيف..

السلام عليكم ورحمة الله وبركاتة
كيف حالكم جميعآ
يالربع أنا شريت لي بعير ضعيف ولابعد هاج
وأبي أعرف وش أسرع طريقة ل تسمين البعير وأسترداد عافيته ..؟؟

رد: البعير ضعيف..

ابعده عن البل في شبك لحاله وعليك بالبرسيم والمكعب مخلوط بالشعير وقبل هذا كله اعطه ابرة جرب وابرة هيام

رد: البعير ضعيف..

لاهنت أخوي خالد والله يعطيك العافية
وبالنسبة للبعير رابطة بعيد من الابل وحط له برسيم و شعير صبح ومساء

رد: البعير ضعيف..

عليك بمكعب الصوامع ولا مكعب الوافي عطه يومي ربع كيس ولا تعطي البعير ماء حلو دور له من الما الهامج

رد: البعير ضعيف..

لاهنت أخوي عبدالعزيز التميمي وبيض الله وجهك
وماودي أعطي الحلال مكعب لانه الحلال اللي ياكل تكثر فيه الخواريج والا جاته الشوكة ( تجرح المعده )

رد: البعير ضعيف..

حياك الله يالدوسري .. اول ماتبدأ بعلاج الدود , الظاهر ان الديدان مفليه بمصران البعير !!! وعطه ابرة هيام . وعليك بالشعير المجروش مع اني افضل مقاطعة الشعير لكن من باب النصيحه , وعطه خبز وتمر, وفيه فيتا مينات تجي بالصيدليه تخلط مع بعض ولا تنسى الاملاح , لكن لاتربط البعير خله بشبك واسع , وقبل نهاية المربعانيه راح يلعبلك بالنياق لعببببببببببببببببببببببببب . رزقك الله منه الانتاج الطيب .

رد: البعير ضعيف..

لاهنت أخوي عبد الله وبيض الله وجهك والبعير كل يوم أحسن من أول ولاظنتي أن فية دود