ياهل الابل عطوني رايكم يهمني جدا (صور فحل وانتاجه )

رد: ياهل الابل عطوني رايكم يهمني جدا (صور فحل وانتاجه )

هلا وغلا
ابوسعد شكرا على ردك ويشرفني مرورك وتعليقك
ان شاء الله تشوف صورة ام الحوار قريب تراها طيبه وشقحا
----------
مرحبا ومسهلا
ابوعوض الله يرحم والديك والدينا
ابشر ابشر
الصراحه شجعتوني وريحتوني بمدحكم هذا الله يبيض وجيهكم ويرحم والديكم
يعني ما فيه اي عذروب مهوب صحيح لازم تلقون عذاريب فيه
انتضر منكم المزيد من الوصف والتمحيص ههههههه
اخوكم بدر

رد: ياهل الابل عطوني رايكم يهمني جدا (صور فحل وانتاجه )

ماشاء الله تبارك الرحمن
يابومحمد وش اصل البعير

رد: ياهل الابل عطوني رايكم يهمني جدا (صور فحل وانتاجه )

أرحب يا بـدر .. والله يسعـد مسـاك ...

الفحل طيّب وانتاجه طيب .. والله يبارك لـك .. ولاتفكه نصيحه لوجه اللـه .. وهده هالسنه لا واشر ضرايب بعـد !

وشكل البعير طيّب .. وكل مامنه زيـن .. سناد .. وهزع عرقوب .. وافي جنب .. ظهره زين .. رقبته زينه .. راسه وسط .. واذنه لك عليها .. ومشربه عريض وزين لكن ماهوب ضافي بالشكل المطلوب ...

..........

اما انتاجه كفو كفو كفو ..

والله يبارك لـك فيـه ...

.........




تقديري ...

رد: ياهل الابل عطوني رايكم يهمني جدا (صور فحل وانتاجه )

وعليكم السلام
اخوي سليمان
اصل البعير طيب طيب بالحيل
وابشر بهده
---------
اخوي مشعل
الله يبيض وجهك على كل حال وكرر الشكر لك على الشرح في اوصاف البعير
اما بالنسبه لانتاجه فهو اول سنه ينتج عندي او غير لاني شاريه وهو ما يلقح يعني صغير
واللي شريته منه كان عنده باعر شعل ولا يبيه وما هده

رد: ياهل الابل عطوني رايكم يهمني جدا (صور فحل وانتاجه )

الا وانا اخووووك هده ولا تمالي احد

البعير يعود على اصله
وكثير من البعارين اشكالهن ولا بد ولكن انتاجه ذهب

رد: ياهل الابل عطوني رايكم يهمني جدا (صور فحل وانتاجه )

انتاجه طيب لاكن ماهو الفاخر

البعير شكله عادي

رد: ياهل الابل عطوني رايكم يهمني جدا (صور فحل وانتاجه )

ماعليك من شكله
انتاجه كفو ثم كفو تبارك الله
لاتفك البعير
تقبل تحياتي

رد: ياهل الابل عطوني رايكم يهمني جدا (صور فحل وانتاجه )

ماشاء الله

رد: ياهل الابل عطوني رايكم يهمني جدا (صور فحل وانتاجه )

ماشاء الله إذا هذا إنتاجه هده ولاعليك من أي عيوب فيه. الله يبارك لك

رد: ياهل الابل عطوني رايكم يهمني جدا (صور فحل وانتاجه )

حلوى ما شاء الله كان هده ولا تمااااااااااالي

رد: ياهل الابل عطوني رايكم يهمني جدا (صور فحل وانتاجه )

السلام عليكم جميعا
اخي ماجد بهده ان شاء الله بس حبيت اخذرايكم لان رايكم يهمني وعلمي على مدى معرفتكم للزين والشين
واكيد ما راح تجاملوني لانكم ما تعرفوني فلكل منكم راح يقول اللي يشوفه بمصداقيه
اكرر الشكر لك
---------
اخي فلاح بيض الله وجهك واتقبل النقد بصدر رحب ومحبه وتقدير لك
---------------
اخي حاتم الف شكر لك الله يوفق الجميع لما يحب ويرضى
---------
اخي سعود الله يبارك فيك ويرزقك من فضله انه السميع المجيب
-----------
اخي على ابشر بهده عسا الله يطرح فيه البركه
----------
اخي ابو شهاب هذا ولده له اسبوع او 5 ايام ماني متذكر وابشرك له خوات مثله وازين من هالقعود
وامهاتهن بعد طيبات وبعضهن ما عليها بس جاب نفس الشكل لله الحمد
---------
اكرر الشكر للجميع
والله يبيض وجيهكم على رايكم اللي يهمني
وابشركم البعير ساسه طيب وهو كان واحد من الشيوخ وربي جابه لي
وما اقول الا الله يطرح فيه البركه ويرزقنا ويرزق جميع المسلمين الرزق الحلال
اخوكم
بدر

رد: ياهل الابل عطوني رايكم يهمني جدا (صور فحل وانتاجه )

السلام عليكم
اخواني اللي ردوا كفو وفو بس
ما احد اعطاني انتقاداته وتوضيحاته على اوصاف البعير ونماه
كلهم شجعوني على هدته الله يعافيهم
يعني ما اغير الضراب على البل ولا اروح يمين ولا يسار للي عندهم فحول اصبر عليه واشوف الله ودبرته
شكرا لكم جميعا

رد: ياهل الابل عطوني رايكم يهمني جدا (صور فحل وانتاجه )

حلو ماشاءالله تبارك الله

انتاج كفو وزين الله يبارك لك فيه ويرزقكك من الخير والبركه

وماقصرو الشباب وفو وكفو والله

رد: ياهل الابل عطوني رايكم يهمني جدا (صور فحل وانتاجه )

أولاً : ماشاء الله لا قوة إلا بالله على إنتاجه وعليه .
ثانياً : من خلال المشاركات الموجودة وردودك يبدو لي أنك تبحث عن عيب ! يمكن فيه أحد قال أن سنامه مهوب منفهق ومشاربه مهيب وافيه بالحيل وغاربه وسط ،،،، لكن هذا كله لو كان صحيح فالبعير الآن أثبت نفسه 100% .
ثالثاً : الحيران طيبه ( فل كامل ) ماشاء الله عليهن والله يحفظهن من عيون المقاريد .
رابعا : ضرب وخل قصراك يضربون أبرك للبعير وحتى ينتشر خير البعير على الناس اللي تتمنى الزين من أجل كسب الرزق وغيره . ولك أجر عظيم عند الله سبحانه وتعالى . وأحسن النية في هدته لأباعرك وغير أباعرك ولا تفكه ألا بقيمة جزلة وعسى الله يبارك لك فيه يالطيب وتستاهل النوماس مع هذا الانتاج المبروك .

رد: ياهل الابل عطوني رايكم يهمني جدا (صور فحل وانتاجه )

السلام عليكم
اخوي ناصر شرفني ردك والله يبارك فيك ويرزق من نعيم فضله انه الغني الكريم سبحانه
----------
اخي سلمان هلا وغلا
اولا: الله يبارك فيك ويرحم والديك
ثانيا:ودي انه يكون كامل المواصفات لكن الزين ما يكمل لابد من العيوب في اي شي ومثل ماقلت فيه عيوب بس ابشرك قليله بالكاد تنوجد
والوصوف اللي قلت مانيب معك فيها الاواحد منها صحيح 100%
ثالثا: الله يرزقك من الرزق الحلال والله يبارك فيه ويرزقنا ويرزق جميع المسلمين
رابعا:الله يطول في عمر الشايب ويحفظه ويشفيه ما بعد رد اي واحد الله يبارك فيه

----------