(المعنى - الامير سلطان ) , ( رمان - فنجال ) , ( المتحدي - ناصر بن مهنا )

السلام عليكم ورحمة الله وبركاته ...

أسعد الله مساكم / صباحكم ...


ان شاء الله انكم بخير واتم صحه ..

الموضوع واضح من عنوانه ...

الي عنده صور او مقطع فيديو لأحد هالفحول لا يبخل علينا + معلومات كاملة عن ساسها + سومات إن وجد ...

ولكم جزيل الشكر ولو لمروركم وشكرا مقدماً ..

رد: (المعنى - الامير سلطان ) , ( رمان - فنجال ) , ( المتحدي - ناصر بن مهنا )

أفا يا ذا العلم لا حس ولا خبر

رد: (المعنى - الامير سلطان ) , ( رمان - فنجال ) , ( المتحدي - ناصر بن مهنا )

وعليكم السلام ورحمة الله
أنا بأعطيك العلم اللي عندي بخصوص رمان بعير فنجال والإخوان ماراح يقصرون
رمان بعير فنجال شراه الأمير سلطان بن عبدالعزيز بعد مافاز في مزاين نزفا 1419 او 1420
والعلم الأكيد أن البعير ودوه لمزرعة الأمير سلطان في البويبات ذاك الوقت ويقولون أن ولد الأمير سلطان .. فهد بن سلطان خذه عنده بتبوك ومات هناك (هذي ماني متأكد منها بالحيل)
على العموم هذا بعير منتج وطيب بالحيل وإنتاجه (عياله الفحول )قليله بين الناس لإنه له فوق 12 سنه وهو عند الأمير سلطان. أعرف واحد شاري من فنجال ولده قعود ذاك الوقت والحين البعير عنده شاق نابه وماشاء الله منتج إنتاج طيب بالحيل بيعت بناته على 260 الف 120 الف وولده يسام على 650 الف.
وأنا عندي ولده الحين حق (يعني جده رمان بعير فنجال) نسأل الله أن يطرح البركة فيه والإنتاج الطيب

ابوفيصل
حسب علمي أن رمان بعير فنجال من سلاله رمان بعير الملك خالد ... والله أعلم