استشاره يالاجواد

السلام عليكم ورحمة الله وبركاته
اخواني باختصار
عندي جمل وجالي واحد يبيه يظرب بكره والرجال من مسافه تقريباً 100 كم
والناقه ميسر لكن الجمل مو راضي يلقحها ومايخليها تقرب من العلف يهجم عليها ودي اعرف وش المشكله وش نصيحتكم يالاجواد
وتقبلو تحياتي

ارحب يارائد

1 _ واذا كانت الناقه مقيده فك قيده وعرضها اياه

2 _ لبسها حبال على شان البعير يدري انها ناقه يمكن يفكر انها بعير .!!!

3 _ فيه طريقه للبعير اللي يعاف وهي ان تشمل الناقه من الضراب وتعرضها بعير ثاني وتخليه يبرك فوقها ولا يقربها من الشماله ..!

وبعدها شل جلاله واحفظه عندك ولاجيت عند البعير اللي يعاف لبسها الجلال وشل شمالتها والبعير من مجرد انه يشم رائحة بعير فيها راح يضربها واضراب لك فيه غرض


وكل الطرق اللي قلت لك انا مجربها شخصياً


وبالتوفيق
اخوك

بيض الله وجهك اخوي فهد وكثر الله من امثالك وان شاء الله اجرب هذه الطريقه
وفقك الله

ومن يقول وحاضرين للطيبين


اخوك