بعير أبن ثنيان

السلام عليكم ورحمة الله وبركاتة

يالربع عندي أستفسار عن بعير أبن ثنيان العتيبي اللي شراه من المشاوية وباعه
على من باعه ؟وهل انتج عند ابن ثنيان اوغيره وكيف أنتاجه؟

رد: بعير أبن ثنيان

السلام عليكم ورحمة الله

إذا كان تقصد بعير ابن ثنيان العتيبي (عليان) فهو بعير طيب ومنتج وكفو وعياله منتشرة عند ناس واجد
وعياله كثير منها طيبة ومنتجة وإبن ثنيان عنده ولده .
أما عليان الهرش فحسب علمي شراه واحد من ال سعود بمليون ونصف ومدري باقي عنده أو نفق.
على العموم البعير عليان له سمعة طيبة عند هل البل وهو بعير منتج وكفو .
والله العالم أنه فاز في مزاين خبيب الريم سنة 1421 وحولها .

ومحاكيك ابوفيصل عندي ولده ومسميه (عليان) على أبوه وأول ضراب له هالسنه وهو جذع بيثني ونسأل الله أن يرزقنا منه الإنتاج الطيب .

رد: بعير أبن ثنيان

مشكور أخوي سعد على مرورك

وأنا أقصد البعير اللي كان عنده وعليه وسم ابن غصين المشاوية

رد: بعير أبن ثنيان

السلام عليكم
عند واحد من زملائي ولد عليان انتج انتاج فاخر من نياق اقل من عادية

رد: بعير أبن ثنيان

السلام عليكم ورحمة الله وبركاتة

يالربع عندي أستفسار عن بعير أبن ثنيان العتيبي اللي شراه من المشاوية وباعه

على من باعه ؟وهل انتج عند ابن ثنيان اوغيره وكيف أنتاجه؟

وعليك السلام ورحمه الله وبركاته

مالك لوا ابن ثنيان ماشرا من المشاويه بعير ولا هد بعير عليه غير وسمه

رد: بعير أبن ثنيان

أخوي عناد العتيبي أشكرك على مرورك

وتعقيبآ للكلام أن فيه بعير لقيتة عند واحد من هل الابل يقول ان البعير شاريه من أبن ثنيان العتيبي والبعير عليه وسم ابن غصين المشاوية
وهذا اللي خلاني اسال عن البعير والبعير ماشاء الله عليه زين ومافيه كلام ويقول راعية الحالي أن انتاجه عند راعيه الاول
والبعير عليه مطرق تحت الاذن من يمين مدري هذا وسم ابن ثنيان العتيبي

رد: بعير أبن ثنيان

أخوي عناد العتيبي أشكرك على مرورك

وتعقيبآ للكلام أن فيه بعير لقيتة عند واحد من هل الابل يقول ان البعير شاريه من أبن ثنيان العتيبي والبعير عليه وسم ابن غصين المشاوية
وهذا اللي خلاني اسال عن البعير والبعير ماشاء الله عليه زين ومافيه كلام ويقول راعية الحالي أن انتاجه عند راعيه الاول

والبعير عليه مطرق تحت الاذن من يمين مدري هذا وسم ابن ثنيان العتيبي

العفو منك يانواف

والمطرق وسم الحفاه اللي منهم ابن ثنيان

وشاهد ابن ثنيان مطرق حدر العين

وارجع وقول ابن ثنيان ماشرا بعير من المشاويه ولا هد بعير عليه غير وسمه

يكن البعير كان عند احد من الحفاه اللي هم ربع ابن ثنيان

رد: بعير أبن ثنيان

مرحبا أخوي عناد العتيبي
لا انا مكذبك ولا انت مكذبني..
وأنا والله ما طرحت الموضوع في هذا المنتدى وبالاخص في قسم الاسئلة والاستشارات الا علشان أعرف العلم الاكيد
وتأكيد لكلامي ان واحد من الرفاقه قابل راعي البعير وسأله عن البعير وقال البعير من أبن ثنيان العتيبي وساسه من ابل ناصر أبن غصين المشاوية رحمة الله
والبعير أنتج عند ابن ثنيان وبيع من انتاجه مبالغ غاليه والبعير منتج على كلامه وشراه من ابن ثنيان بـ مبلغ وقدرهـ ؟؟
وأنا أأسال عن البعير ابي اعرف عن مستوى انتاجه لانه اول اضرابه عند راعيه التالي.