لاهل العرف ......... سؤال ؟

كل عام وانتم بخير

عندي قعود تام لقي وداخل جذع له 3 شهور , يضرب البل ولكن للحين ما لقح منها شي

فيه ناس يقولون لازم يتم جذع كامل وفيه ناس يقولون انشاء الله يعشر ؟

وش رايكم يا جماعه ؟

رد: لاهل العرف ......... سؤال ؟

الاخ محمد

وانت بصحه وسلامه

اللقي بعض المرات يلقح اخر الوقت لاكان سمين

اما الجذع كما قالو لذع يعني ممكن يلقح الابل كلها

ويمكن ما يلقح ولا ناقه

اما الثني هو اللي كمل ويكون اللقاح عليه طيب

المزحمي

رد: لاهل العرف ......... سؤال ؟

الله لايهينك يابن مطلق

رد: لاهل العرف ......... سؤال ؟

حياك الله والجذعان مهو بضروري تلقح فيه جذعان تهد هداد كامل ولا يلقح عليها شي.

رد: لاهل العرف ......... سؤال ؟

مرحبا بك أخوي محمد بن فارس
والله يبارك لك بحلالك
وبخصوص البعير واللقاح يقولون الشيبان الاولين اللي لهم باع طويل في الابل ان الجذع مايلقح الا لين يجي وقت ولاده عقبها بأذن الله يلقح
حتى لو كان هايج ومهدود مع الابل ويضرب علشان كذا شوف متى ولاده
أتمنى أني أفدتك أخوي محمد هذا والله اعلم

رد: لاهل العرف ......... سؤال ؟

مرحبا بك أخوي محمد بن فارس

والله يبارك لك بحلالك
وبخصوص البعير واللقاح يقولون الشيبان الاولين اللي لهم باع طويل في الابل ان الجذع مايلقح الا لين يجي وقت ولاده عقبها بأذن الله يلقح
حتى لو كان هايج ومهدود مع الابل ويضرب علشان كذا شوف متى ولاده

أتمنى أني أفدتك أخوي محمد هذا والله اعلم

الله لايهينك يانواف ويبيض وجهك ........ القعود يتم جذع سهيل الجاي انشاء الله

رد: لاهل العرف ......... سؤال ؟

البعارين تتفاوت منها اللي يلقح بمجرد دخوله جذع ومنها اللي يتاخر وليس هناك قاعده عامه
تقبل تحياتي