# دلـونـي عـلى الأنـسـب يا أعـضاء مـزايـن . أيـهمـا أختـار .؟ #

بسم الله والصلاة والسلام على رسول الله

اخواني في منتدى مزاين

السلام عليكم ورحمة الله وبركاته

لو عرض على أحدكم قعودين ..






وأنت ناوي تفحله ,,

أما القععود الأول

فمزيون بالحيل ولكنك لا تعرف له أصل ...


وأما القعود الثاني

شين بالحيل وراسه تقول مخيط ..

بس تعرف أصله وساسه ( ابوه زين وامه زانه )


فأيهما تختار ....؟

أرجو من الجميع التصويت ..

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

وعليكم السلام ومساك الله بالخير
انا برايي تاخذ القعود الاول لان مثل ماانت تقول انك ماتعرف اصله فيعني يمكن يكون اصله طيب

والله يوفقك ان شاء الله لما يحب ويرضى وتشوف بناته في ام رقيبة والسرى عليه كيلو

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

عزالله اني ابا أهد الأول والرزق على الله والثاني ابا اوديه لقطر عشان يفوز بالهجن

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

امــــــر الله من ســـــعه ماالله حادك دور لك قعود مواصفاته طيبه والاصل وراه طيب

ونكانك منت مجنب عن هالقعودين هد الزين المجهول والثاني جنبه فيه سر ماهو طيب .

والبــــــــــــــدو يقــــــولون هـــــــد وتحل

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

عدم معرفة اصل القعود لا يدل على ان اصله ردي فزينه ما جاء من فراغ
وياكم قعود اصله معروف وانتاجه ردي
وبالنسبه لي بهد الزين لو ما اعرف سره
وان تساوو في الزين او تقاربوا في الشكل هديت معروف السر

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

اضرب بالفحل وتحل عليك بالايمن

واللي على اليساااار ماني بمضرب به لو ان امه النايله وابوه تمام

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

عليك بالزين لو ان ساسه من البنغال

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

انا مؤيد كلام اخوي سعود الزيادي

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

اليمين درب الغانمين

واما الايسر مقصب والمقصب ما يهد لو انه من منقية

واذكر فيه موضوع مشابه طرحه ابو خالد على الرابط التالي :
http://www.mzayan.com/vb/showthread.php?t=1449

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

هد المزيووووووووون الأيمن ويرزقك الله يابو بندر

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

الزين ماجا عبث

ياما وياما واحد عايش على سمعة ساسة وهو خسارة ولا يرث الا خساير حتى من البشر ادخلا وجه الله

لاهنت

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

اخوي هد الايسر المشوبه اللي راسه كنه مخيط
وانا زبون القعود الثاني

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

عندك الي اطيب منه يابو بندر والله يباركلك فيه
تحياتي

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #



موضوع رائع وقيم بكل أمانه يا ابو بندر


وبالنسبه لي يهمنى الزين . . . ولو كان الايسر فيه موصفات زينه كان هديته لكن ياخوي مافيه شي بالمره


وتبي الصراحه بهد القعود الطيب والرزق عند الله

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #

ارحب ياطـلال ..

موضـوع مهم .. وهـادف .. ومفيـد للجميــــــع ......

وبالنسبـه للقعـود الزيـن .. زينه ماجـاء من فراغ .. واكيـد أن يلحقـه عموقً طيبـه ولـو من ورى امه وابوهـ .. !

...

أمـا الردي ردي .. وحتى لو ابوه معروف أمه هي النكبـه !! واكيد ماجاء شكله ردي ألا أن يلحقه سر ردي وبيطلع في انتاجه من شكله واجد ..

والمسألـه حظ .. وتوفيق من الله عز وجـل ..

..

بس أبي أسـألـك الصور المرفقـه رمزيــه للموضـوع .. ؟! أم هي القعدان المراد أختيـار الانسب منهـا .. ؟!

..