شاهد ... ال سعود (مطرق وحلقه ورقمه)

السلام عليكم ومساكم الله بالخير
يالربع .. وسم ال سعود معروف لكن من من ال سعود شاهده (مطرق وفوقه حلقه وفوقها رقمه ) على اليد من اليسار
الشاهد كالتالي على يد البعير من يسار
.IO

رد: شاهد ... ال سعود (مطرق وحلقه ورقمه)

مرحبا شاهد الاميرتركي بن محمد الكبير

رد: شاهد ... ال سعود (مطرق وحلقه ورقمه)

مرحبتين يابوعمير ياهلا وغلا
وبيض الله وجهك على المعلومة
أنت تقصد الأمير تركي بن محمد الكبير أخو الأمير سلطان بن محمد
اللي أعرفه أن شاهدهم هو حلقة فقط على اليد من يسار

يقولي واحد شرواك أن هذا الشاهد للأمير فيصل بن سعود بن محمد بس ماهب متأكد
تعرف شاهد الأمير فيصل بن سعود بن محمد

ابوعمير بسألك طال عمرك عن فحل الأمير تركي بن محمد الكبير ؟ وش لونه ؟ وهل هو منتج ؟ ووش ساسه لوتكرمت .. لأن عندي قعود توني شاريه وعليه وسم ال سعود وشاهد مطرق وفوقه حلقه وفوقها رقمه
وودي أعرف ساس القعود من أبوه .. هو أني أفحله هالقعود أو نبيعه ..

بارك الله فيك وبيض الله وجهك

أبوفيصل

رد: شاهد ... ال سعود (مطرق وحلقه ورقمه)

علما اسمه راشد


ان كان القعود طيب فلا تبيعه

تراه بيتغيرعليك للاحسن وتبارك بالله

رد: شاهد ... ال سعود (مطرق وحلقه ورقمه)

الأخ عبدالعزيز
بارك الله فيك .. ومشكور على نصيحتك وعلمك الراشد

بس وأنا أخوك .. ودي أعرف ساس القعود وأبوه ومن هو صاحب هالشاهد .. وسلامتك

رد: شاهد ... ال سعود (مطرق وحلقه ورقمه)

اخ سعد هلا وسهلا هذا شاهد تركي بن محمد الكبير مافيه كلام وصحيح كلامك اخو سلطان بن محمد الكبير وعنده رعيتين وضح والثانيه شعل وصفر وعنده ركاب طيبه واحد مخرب لبو مخرب الغيثات ومشتريه بمليون وميتين اوضح طيب ونتاجه طيب ووحد بعير بن قريع الدوسري ومشتريه 4مليون بعد اوضح وعنده اشعل مخذ الثاني في مزاين نوفا الصياهد لبن جفران السبيعي وشره الامير منه 4مليون وعند اركاب وجد وطيبه

رد: شاهد ... ال سعود (مطرق وحلقه ورقمه)

بيض الله وجهك يا أخ علي وعزالله ماقصرت

القعود اللي عندي أشقح ووسم وشاهد الأمير تركي بن محمد الكبير عليه
.. نسأل الله أن يطرح البركة فيه ويرزقنا منه

جزاك الله خير يابوعمير وعز الله أن رأيتك بيضاء
وأسأل الله أن يبارك في ذريتك ومالك وحلالك ..

أخوك أبوفيصل