الرقاب العنجه

السلام عليكم

الناقه اذا وقفة رقبتها عنجه

لاكن بالمسير طيبه هل ياثر على زينها


رغم اني شفت ذود فاز بالنخبه ورقاب ابله اكثرها عنج

رد: الرقاب العنجه

مرحبا اخوي فلاح الرقبة العنجا عذروب كبير في الناقة او البعير على وجه العموم وكذلك من اخطر العذاريب الي يتاثر منها الانتاج يعني لو الناقة او البعير فيها اعنجه 200% انتاج الناقة او البعير بيكون فيها العنجه واضحة 100% وبيكون اكثر من عنجه ابوه او امه يعني العذاريب كلها يمكن تتحسن مع الانتاج الا العنجه او العيز (الحقو) وطبعا هاذي العاذريب لايمكن تتعدل حتى مع اطيب اركاب الجزيرة مثلا لو قلنا ان الرقبة قصيرة ممكن تتحسن بالانتاج لكن هذا عذروب في الناقة كبير حتى لو كان راس الناقة درجة اولى والمشكلة ان هذا العذروب مايوقف عند الناقة وبس بل ينتقل للانتاج يعني لاتهد ولد الناقة ذي حتى لوكان زينها فرط وانتاجها ذهب

رد: الرقاب العنجه

يرجال الزين زين ماعليك العنجه ان جتك عاديه دورلها فحل طيب

واظربها وانا من المجربين

رد: الرقاب العنجه

لا والله كلام أخوي جابر المري صحيح الرقبة العنجة عذروب ...؟

تقبل مروري

رد: الرقاب العنجه

اكبر عيب رقبت المطيه عنجا بعدين ذود يفوز بانخبه كل رقابه عنج مستحيل مستحيل تقبل تحياتي,,,,,,

رد: الرقاب العنجه

انا اشووف ان اهم شيء مشيه المطيه اذا مشيتها طيبه ورقبتها عدله تستاهل ولكن مايكون الرقبه عنجا بالحيل

وفيه ملاحظة البعير اللي فيه ( خنابه ) هذا مستحيل ينتج طيب والناقه الخنباا يمكن تتعدل حسب البعير وقوه انتاجه

لكن من نظري ان الخنابه هذروبهااا اقوى من العناجه

رد: الرقاب العنجه

عبدالرحمن المري

والشباب كلكم ماقصرتو

بيض الله وجيهكم و استفدت كثير

رد: الرقاب العنجه

ارحب بالاخ العزيز : فـلاح الرشيـدي ...

لاشـكـ أن الرقبــه من أهم جماليـات البل .. والعنجه عذروب فالمطيــه ...

لكـن : فالناقـــه اشوى منهـا فالبعيــــر ...

لإن الناقـه يعدلهـا البعير بنسبة كبيره ( البعير المنتج ) .. ولـو ماعدلهـا تنحصر عنجتهـا على بنتهـا !!

لكن المشكلـه ( البعيـــــر ) من وجهة نظري اللي فيه عنجه ماينهد .. وتأثيره كبير جداً على الانتاج ..

....

لكن هنـاك ملاحظه :

يمكن هالناقـه أو البكره اللي ذكرتهـا .. تعوكسـت أو صابها مرض أو انقطع رضاعهـا وعفّشـت يوم هي حوارهـ .. وهذا يسبب عنجة الرقبه ..

لكن بعضهـا يتعدل ويطلع بعد سن حقـه .. وبعضهـا سبحان الله تجي فاطر وهو فيهـا ..

.....

لكن انكان ناقتك رقبتها طويله ورقاقه .. ماعليك من عنجتهـا أبــــد !

......

والله يوفقـك .. ويرزقك من واســـــع فضلـــــــــــه ...

......

رد: الرقاب العنجه

يالربع فهم السؤال نصف الاجابه

الرجال يقول الرقبه عنجا بس بالمسير رقبتها طيبه هل ياثر بمستوى الجمال

طبعاً مايضر والعناجه ماتبين الا بالمسير ( انا اقول مايضر بس ما اقول انها افضل ) يعني بفضل الي مابها عناجه بوقفتها ومسيرها والزين تطور والناس صار يدققون على اي شي

وطبعاً الان اي شي بيكون عذروب لو كان بالسابق ماينضر له انه عذروب

وبالتوفيق