ولد ولد تمام

السلام عليكم
اعرض لكم القعود من ابلي
أبوه شواش من فحول ابل الشيخ فلاح بن حشاش الدعجاني ولد تمام فحل ابل الشيخ هيف بن عبود القحطاني

رايكم فيه

رد: ولد ولد تمام

ماشاءالله

الله يباركلك فيه وتشوف خيره

رد: ولد ولد تمام

ينقل للقسم المناسب

رد: ولد ولد تمام

ماشاء الله تبارك الله
اصبر عليه الزين قدام بحول الله اساسه زين

رد: ولد ولد تمام

مافيه شي يبين انه زين ولكن اصبر عليه شوي اصله طيب الله يرزقك منه

رد: ولد ولد تمام

القصاب اذا بغيت النصيحه

رد: ولد ولد تمام

مرحبا يا قبلان

ما نقول الا خير ان شاء الله
ويقولون ليالي العيد بينة من عصاريها
واللي مثل ها النوع ما ضنتي بيتغير والله اعلم
ولا اعتقد انه ينتفحل

رد: ولد ولد تمام

والله الظاهر ماله إلا القصاب

الصدق والنصيحه مطلوبه

والله يرزقك بالي ينومسك لاهديته ولا هذا الله اعلم انه ماينهد ولاهو حول الهداد

رد: ولد ولد تمام

بيض الله وجيهكم

عاد هاللي تقولون عنه شين وانا ادري ان مافيه زين الا ساسه طيب فيه واحد مشغلني يبيه

يبي يجرب انتاجه على حسب قناعته

رد: ولد ولد تمام

ليته طلع على ابوه اللي مشري بستة ملايين
تتوقعون لو ضغطنا عليه شوي بيتغير ويطلع على أبوه هههه

رد: ولد ولد تمام

المعروف عن تمام


ان اغلب عياله اول ماتجي متوسطه وكل مالها تزيد بالجمال ويبين الجمال من سن مفرود فاكثر وكل ماله بزود

وهذي ميزه طيبـه


وبعض البعارين يوم يجي حوار من انتاجه لي والله انه خياااار ولكن اذا كبر يندمر




اما عن الحوار هذا

ساسه من جهة الاب طيب ومعمق

اما من ناحية الام مايندرا وترا الام لها دور


وانا من رايي انك تبيعه

والله يرزقك أطيب منه

..

رد: ولد ولد تمام

لاهنت ياعبدالعزيز على التفصيل في الموضوع
وكلامك صحيح الام لها دور
بس وش رايك في اللي يبي يجرب الانتاج
على قناعته ان ممكن الجد يجذب

رد: ولد ولد تمام

لاهنت ياعبدالعزيز على التفصيل في الموضوع
وكلامك صحيح الام لها دور

ولا أنت يالطيب .

بس وش رايك في اللي يبي يجرب الانتاج
على قناعته ان ممكن الجد يجذب

الله يوفـــقــه

رد: ولد ولد تمام

اصبر عليه وانا اعرف فحول لو تشوفها ماتهدها بالهمل لكن انتاجها ذهب لان ساسها طيب وانا من رايي تصبر علييييييييييييييييييه

رد: ولد ولد تمام

ليته طلع على ابوه اللي مشري بستة ملايين
تتوقعون لو ضغطنا عليه شوي بيتغير ويطلع على أبوه هههه

يا قبلان
ترى البعارين مهيب على اقيامها وانت اعرف البعارين على الانتاج

وبعدين اللي نعرفه ان البعير مشري بثلاثة ملايين وليس بسته كما ذكرت

وللمعلومية ترى الى اللان لم اراء انتاج يفوق الوصف على ابناء تمام
اغلب انتاج ابنائه عادي جدا مثل امهاته او اقل منها
ومن قال غير ذلك فل يثبت لنا بالصور عكس ما اقول

وان كان الرجال يبيه توكل على الله وبعه والله العالم انه ما رايح ينتج شيء يسوى الكلام
وانت الله يرزقك باللي يسرك