طلب من السبعان خاصه والباقي ما يهوون

السلام عليكم ورحمة الله وبركاته
اخواني ابغى اليوم فزعتكم
مين الي يعرف
بعير الجمالين الهرش الشيخ ابوشعفا الاشقح
اي معلومه عن البعير او صوره

رد: طلب من السبعان خاصه والباقي ما يهوون

ينقل للقسم المختص

رد: طلب من السبعان خاصه والباقي ما يهوون

كانك تقصد اللي مع ضيف الله العضياني فهو مات قبل 5 سنين تقريبا
هو اللي يقاله ابوشعفه وعليه وسم خشم العان

رد: طلب من السبعان خاصه والباقي ما يهوون

الله الله
ايه عليه وسم خشم العان
هو هرش كبير
بسلك هل رزق بنتاج فاخر

رد: طلب من السبعان خاصه والباقي ما يهوون

اخوي / علوش
مساكم الله بالخير ..
اضافة لمعلومات اخونا /محمد مرزوق السبيعي

كانك تقصد اللي مع ضيف الله العضياني فهو مات قبل 5 سنين تقريبا
هو اللي يقاله ابوشعفه وعليه وسم خشم العان

معلومات البعير ابو شعفه كما يلي :
المالك : ضيف الله بن فهد العضياني
* حصل على المركز (4) في مزاين نوفا عام 1421هـ في فئة الفحول الشقح والحمر .
* استهده عامي 1421هـ/1422هـ (فيصل بن عايض الغدراء الشيباني) وانتج عنده بكار طيبه بالحيل وانتج عند جاري (حمد بن شريان الشيباني) بكره وسنها الآن (ام ثالث) وامها متوسطة الزين ومن سلالة رمان بعير الملك خالد ....
واتمنى اخوي / علوش انا افدناكم ... والله خير الشاهدين

رد: طلب من السبعان خاصه والباقي ما يهوون

::::

::::

::::

هذي صور بنت بعير ضيف الله العضياني (ابو شعفه)
سنها : ام ثالث
المالك : حمد بن شريان الشيباني
والناقة طبعاً هبدت مرتين ببكار العام والي قبله
- بكره من بعير نشاء بن ناشي المفرجي الحمر وهو من سلالة بعير الطامي ولونها وضحا ومزيونه بالحيل وعاشت يومين فقط .
- بكره من بعير شيبان بن هلال الجلاوي (الحمر ولد تمام) الي شراها من راجح بن شاهر الشيباني العام الاول ولونها احمر ومزيونه بالحيل وعاشت ثلاث ايام فقط
والبكار ملهن شكل بالزين ....
والله خير الشاهدين ....

رد: طلب من السبعان خاصه والباقي ما يهوون

يالمقاطي يعطيك العافيه انا عندي بعير له 7 سنوات وهو هرش كبير اصفر عليه وسم الجمالين من السبعان ويقول الي شريت منه البعير انه ولد الشيخ ابو شعفه الوان اششقح بعير خشم العان

رد: طلب من السبعان خاصه والباقي ما يهوون

اخوي / علوش النفيعي
ما سوينا الا الواجب لكن نصيحتي وانت اعرف الفحل الي عندك ولد ابو شعفه
لا تفكه لا تفكه لا تفكه
وهدهه في الابل بعد ما توكل على الله وانت مغمض
لاني شفت ناقتين عند (فيصل بن عايض الغدراء الشيباني) مزايين .
والناقه الي عند (حمد بن شريان الشيباني) الصورة تتكلم وعلى الطبيعه افضل بكثير وامها اعرفها من اوسط الابل وجت بنتها ازين منها بكثير .
هذي نصيحتي والله يرزقك الانتاج الطيب من البعير ...