ما بخيل الا بخيل برايه ..

السلام الله عليكم ورحمة الله وبركاته ..

من باب المثل اللي يقول ..ما خاب من استشار ..

وبحكم اني راعي هجن وتوني في بداياتي وخبرتي فاللبل مهي بنفس مستوى الهجن

وادي اخذ ارائكم ونصايحكم ..

انا ابي اتمللك ابل مجاهيم ..بحيث ايكون عندي عقب 5 سنين اذ انحن من الحييين حوال العشرين اتقل او تزيد

وزينها طيب ..

وش النصايح اللي تقدرون تقدمونها لي ..او وش اقرب واسهل طريقه بعد توفيق الله ..

ومتى انسب وقت للشراء فالسنه ..

مع العلم ان ماقدر اشتري بقيمه كبيره ..

اتمنى تفاعلكم ومروركم ...

ولاهنتوواا

رد: ما بخيل الا بخيل برايه ..

يا مرحبا يا ناصر

شوري عليك تروح تشتري ذا لحين لان ام رقيبه

توه منتهيه والبل اسعاره نازله والمجاهيم خاصه

سعرها ماهي با غاليه

رد: ما بخيل الا بخيل برايه ..

الله يوفقك عليك بالسوق من بعد شهر خمسه الجاي وقت ركود السوق بتجمع ذودك في ثلاث اشهر وباقيام طيبه

رد: ما بخيل الا بخيل برايه ..

ان كانك ناوي في الصيف يشين الحلال في عيون هله وبتحصل على شرطك عند هل الحلال

رد: ما بخيل الا بخيل برايه ..

الله يوفقك بالمشترى اللي يغنيك ويسرك

اشور عليك وغيرك المعلم

شوري لك

اولا لاتشتري الا انت مستشير ومستخير

ثانيا عليك بالناقه اللي اذا بغيتها مقنوي قنيتها وان نويت تبيعها في السوق جابت قيمه طيبه حتى لو كان راس مالها

ثالثا انحش عن الفطر

رابعا ابحث واتعب علشان الفحل المنتج اللي اكثر انتاجه ابكار ولا تقرب مشترى الفحل اللي اكثر انتاجه قعدان
ترى الفحل المنتج يعوض خسايرك ويزيد ارباحك باذن الله

خامسا عليك بالناقه اللي عمرها طيب فان افلست من وجه الناقه الزين فلا تفلس من عمرها الكايد

سادسا لا تقرب ام سنام متقدم والعيز الطويل

سابعا لا تقرب ام غارب منتكس

ثامنا لا تقرب ام ارقبه دنا او ارقبتها قصيره

تاسعا اشرط على راعي الناقه انها سالمه العذاريب من الامراض مثل البديه او الندله او اي مرض يعلمه راعي الناقه ولا يعلمونه الناس

عاشرا لاتشتري اللي تكسر الشبوك حتى لو كان خرطومها يلوح


اما بالنسبه للتوقيت فان الزين من الابل ماهو على كل حال يتوفر في صيف ولا شتاء لذلك اذا جاتك الفرصه ياذيب فاكمن لها واقنصها

بالتوفيق لك وللاخوان المشاهدين

اخوك ابوخالد

رد: ما بخيل الا بخيل برايه ..

البعير البعير البعير البعير الطيب هو الساس وافلح من ترداد الهرج وشاور في شراه مليون مره

رد: ما بخيل الا بخيل برايه ..

الاخ ناصر بما انك ماعندك الخبره الكافيه

نصيحتي لك وحده اشتر على نظر من تثق فيه ويكون اهل للثقه

وعسى الله يرزقك بمطلوبك

رد: ما بخيل الا بخيل برايه ..

الله يوفقك عليك بالسوق من بعد شهر خمسه الجاي وقت ركود السوق بتجمع ذودك في ثلاث اشهر وباقيام طيبه

مرحبا يا بو صالح تراحيب المطر يسعدني المشاركه في هذا الموضوع ويسعدني رد اخووووي ابوخالد لانه رده من تعايش

وواقع واتمنى لك التوفيق في الاختيار وانا رأأيي مع ابوفالح وأيده بشده لان في هذا الوقت تباع ابل طيبه واسعار مناسبه

شكرا

رد: ما بخيل الا بخيل برايه ..

وعليكم السلام ورحمة الله وبركاته

الاخ ناصر

افضل طريقه شف لك رجال راعي نظر وثقه

واحسن وقت للمشترا يكون في الصيف مثل ماقالو الاخوان

ونسأل الله ان يوفقنا واياك

رد: ما بخيل الا بخيل برايه ..

نصيحتي لك لاتشتري


خلك على الهجن واهتم فيها ولاتشغل نفسك بحلال ثاني لانه بيشغلك



خلك تشتري العمانيات لان مجالك في تدريب الهجن



والله يوفقك و يسر امرك

رد: ما بخيل الا بخيل برايه ..

نصيحتي لك لاتشتري


خلك على الهجن واهتم فيها ولاتشغل نفسك بحلال ثاني لانه بيشغلك



خلك تشتري العمانيات لان مجالك في تدريب الهجن



والله يوفقك و يسر امرك



كلام طيب

رد: ما بخيل الا بخيل برايه ..

يا مرحبا يا ناصر

شوري عليك تروح تشتري ذا لحين لان ام رقيبه

توه منتهيه والبل اسعاره نازله والمجاهيم خاصه

سعرها ماهي با غاليه

البقــــى ...

ولاهنت طال عمرك ..

ماقصرت

رد: ما بخيل الا بخيل برايه ..

الله يوفقك عليك بالسوق من بعد شهر خمسه الجاي وقت ركود السوق بتجمع ذودك في ثلاث اشهر وباقيام طيبه

ايوفقناا ويااااك ومن يقراا واخوانا المسلمين

ولاهنت على الشووور ...

رد: ما بخيل الا بخيل برايه ..

ان كانك ناوي في الصيف يشين الحلال في عيون هله وبتحصل على شرطك عند هل الحلال

لاهنت على المرور طال عمرك

وبيض الله وجهك ...

رد: ما بخيل الا بخيل برايه ..

الله يوفقك بالمشترى اللي يغنيك ويسرك

اشور عليك وغيرك المعلم

شوري لك

اولا لاتشتري الا انت مستشير ومستخير

ثانيا عليك بالناقه اللي اذا بغيتها مقنوي قنيتها وان نويت تبيعها في السوق جابت قيمه طيبه حتى لو كان راس مالها

ثالثا انحش عن الفطر

رابعا ابحث واتعب علشان الفحل المنتج اللي اكثر انتاجه ابكار ولا تقرب مشترى الفحل اللي اكثر انتاجه قعدان
ترى الفحل المنتج يعوض خسايرك ويزيد ارباحك باذن الله

خامسا عليك بالناقه اللي عمرها طيب فان افلست من وجه الناقه الزين فلا تفلس من عمرها الكايد

سادسا لا تقرب ام سنام متقدم والعيز الطويل

سابعا لا تقرب ام غارب منتكس

ثامنا لا تقرب ام ارقبه دنا او ارقبتها قصيره

تاسعا اشرط على راعي الناقه انها سالمه العذاريب من الامراض مثل البديه او الندله او اي مرض يعلمه راعي الناقه ولا يعلمونه الناس

عاشرا لاتشتري اللي تكسر الشبوك حتى لو كان خرطومها يلوح


اما بالنسبه للتوقيت فان الزين من الابل ماهو على كل حال يتوفر في صيف ولا شتاء لذلك اذا جاتك الفرصه ياذيب فاكمن لها واقنصها

بالتوفيق لك وللاخوان المشاهدين

اخوك ابوخالد

ارحب يا بو خاالد ..

والله يوفقناا وياك واخوانا المسلمين لما فيه خير انشاء الله

بيض الله وجهك على الشوور ..ولا قاصر فالربع كلهم

اسئل الله التوفيق

لاهنت