فزعتكم ياخوان وخبرتكم

معروضن علي ناقه مزاين وافيه من كل صوب لكن قيمتها هي اللي انكرت لي فيها رخيصه وقال راعيها ان الخلفه فيها
شعرور
وانا اول مره اسمع الشعرور
كيف يصيب الناقه ومنين
وهو عذروب فالمطيه
وله خطر وكيف علاجه وش رايكم اخذها والاكبها

رد: فزعتكم ياخوان وخبرتكم

يانياف بخصوص اسئلتك
الشعرور
بدوه خفيفه او بمعنى اصح بداية البدوه
(( كيف يصيب الناقه ومنين ))

يصيبها من الله لكن اعتقد ان زود الحال سبب وضراب المطية صغيره مرات يكون سبب ومرات يكون وراثه ... واسبابه واجد

الشعرور يضهر من حياء المطية
(( وهو عذروب فالمطيه))
بما انه علمك ماصار عذروب شرعي يرد الناقه

((وله خطر وكيف علاجه وش رايكم اخذها والاكبها))

خطر ماعتقد باذن الله علاجه ماعرف له علاج لكن يفيدونك الاخوان
تاخذها او لا هذا شي راجع لك لكن اذا انت متخوف من هالمرض تراه مهوب خطير لدرجه ان يطرح سعر الناقه انا شريت لي ثنو فبها شعرور وولدت عندي مرتين ولله الحمد ماتغير عليها اذا صار عيبها مغير هالشعرور توكل على الله وخذها

رد: فزعتكم ياخوان وخبرتكم

ازيد اشوي على كلام وافي ووحده كافي

لها كويه واسأل من يجيد الكوي
ان خذيتها حاول ان المطيه ما يزيد حالها بدنه وسط

رد: فزعتكم ياخوان وخبرتكم

عندي مشاركة لعلها تكون مفيده .

عندنا ناقه فيها شعرور وولدت عندنا ثلاث مرّات ولا شافت شر لكن قال لنا الدكتور في بداية الأمر إذا باقي على ولادتها ثلاث شهور وفيها خففو عليها العلف لأن العافيه الزايده تجيب العيد فيها ،، وانا ماشين على ذا الحال والحمد لله .