يالربع استفسار لا هنتوا

يالربع سلامتكم ابي استفسر عن وقت اهل الزكاه متى يمروووون يحصون الحلال هذا شي الشي الثاني ودي اسجل في الزكاه لكي احصل على معونه من الدوله في الاعلاف ولا ادري كيف الطريقه افيدوني جزاكم الله خيررر ورحم الله والديكم واذا فيه موقع متخصص لهالشي زودونا فيه


شاكرين لكم

رد: يالربع استفسار لا هنتوا

المزكي طال عمرك يخيم حول المدن والقرى لجلب الزكاه في شهر 6 - 7 - 8 هجري
والطريقة طال عمرك تروح تعطيهم زكاة حلالك ويعطونك بروه .
ومن ثم تروح للصوامع بالبروه وتاخذ منهم مقدار ماسجل في بروتك من علف

( مثال ) ..

اذا كان عندك خمس نياق .
تروح للمزكي وتعطيه زكاة خمس نياق .. وزكاتها شاه
ويعطيك بروه على قدر حلالك
اتمنى اني أفدتك

رد: يالربع استفسار لا هنتوا

لا هنت ياطلال لكن وين مواقع هل الزكاه اللي اراجعهم هذي حاجه الحاجه الثانيه البروه هذي هل هي مره وحده ام مستمره مابين كل شهر وشهر تاخذها ومن وين ناخذها هل من عندهم ام من وين وبعدين اذا عند الشخص مثلا عشر نياق كم يطلع له بروه يعني كم يعطونه علف


لاهنت وتحياتي