هل التكسيب حرام

السلام عليكم

قبل يومين كنت بضرب ناقه لها شهر وشي والده

وقالي احد الاخوان انه حرام

ودورت عن شي يحرم ما لقيت واحب استفيد منكم

هل هو حرام ؟

رد: هل التكسيب حرام

والله مانيب مفتي

لكن قلب المؤمن يفتيه!


وش اللي يخليها حرام اذا قصد اللي قالك ان الحليب ينقص !!

عادي ماينقص الا بعد 6شهور من تكسيبها

والله مدري حرام على وش

يمكن قالها من باب انه حان حوارها

مو قصده حرام

رد: هل التكسيب حرام

صدق و قال حرام قصده حان الحوار لا ينقص عليه الحليب

ولكن الكسوب مافيه شي يحرمه

كسبها و توكل على الله قبل الوقت يفوت عليك

رد: هل التكسيب حرام

الظاهر ان الرجال مايقصد حرام من جهه شرعيه ..
ولكن حرَمه عطفاً على حوارها

رد: هل التكسيب حرام

مافيها شي من ناحية الشرع
ولاكن تقل البركة على قول الشيبان الاولة
والعلم عند الله

رد: هل التكسيب حرام

لو تركت الفحل مع البل على الفطره وش تتوقع بيكون حال الخلفات اخر الموسم
اتوقع ان كلها او غلبها تكون كسبت
الانسان هو اللي يتدخل بمنع الجمل والاصل انها تكسب
تقبل تحياتي

رد: هل التكسيب حرام

هذي اصلا دورة حياة البل تولد الناقه ولاخذت شهر اضربها البعير ولقحت ولا البدو يتدخلون بالمنع ع اساس الحليب ولو رحت لاستراليا للبل الهمل تلقا البل كلها مكسبه وحيرانها معها لانها في الاصل هذي دورة حياة البل.

رد: هل التكسيب حرام

انشاء الله ما هوب حرام

ولكن انا سمعت كلام وهو عن حاجة الناس للحليب من قلة الزاد فقط

واليوم ابشرك ما عاده يشرب حليبها الا انا وانت والحمدلله

والله يخلي لهم المراعي

شكرا

رد: هل التكسيب حرام

الله اعلم ولكن ماتوقع انه حرام

والبل بطبيعتها في هالوقت الي فحلها بوسطها تلقا اكثر من نصيفتها قد تكسب

رد: هل التكسيب حرام

اما من ناحية معرفتي ومن اللي انا شفت ان حوار اللي ياتي امه كسوب به ماياتي وافي ولا يجي زين

يجي صغير وعفاش ويمكن يموت بعد

العلم عند الله سبحانه

رد: هل التكسيب حرام

الحلال والحرام يفتيك بها المشايخ ونصيحتي للاخوان انهم ماياخذون الفتوى إلا من مصدرها لأن هذا دين نتعبد الله به
وأمامن ناحية كون التكسيب يضر الحوارفالمسألة توافيق وارزاق من رب العالمين , عندنا فاطر عليها بكرة من خيرة البكار حلا وغلا وامها كسوب بها