التقييم بين الخبره والتدريب

رد: التقييم بين الخبره والتدريب

القعود راسـه طيّـب ولو أن لحيه قصير ... وباقي راسه كفووو

جنبه طيّـب .. ولافيه هرجه

قطعته ومواريه مواري فحل

ظهره مقبول ..

رقبته لحيم وقصيره ورديّــه

لونه ماهو المطلوب

ماهوب سناد

اعطيه على الشكل : من 20 ألف وفي بحرها

والعلامه الفارقه في القيمه الساس للقعود .. ونحنُ هنا نحكم على الشكل فقط ...

.................

رد: التقييم بين الخبره والتدريب

اشكركم على التقييم

لأكن الناقه اللي عرضتها

عليها سوم 150000 ميه وخمسين الف

لأكن الصور خاذلتها 100٪

رد: التقييم بين الخبره والتدريب

حياك الله يامحمد عسى ربي يبارك لك في القعود وتشوف منه مايسرك

بالنسبه لتقييمي الراس اعطيه 40 من 50 و الرقبه 15 من 30 و العمر 15 من 20

هذي بالنسبه لنظرتي و السعر اعتقد دون 50 الف ... الا اذا كان ساسه يرفع من سعرهـ ..

رد: التقييم بين الخبره والتدريب

هذي مشاركتي

الاسم : وحيـدهــ

السن : مفرودهـ

رد: التقييم بين الخبره والتدريب

اخوي سيف :

البكره عاديه جداً جداً ..

تركيبة راسهـا ( صفر ) لاقلّـه .. ولا اذن .. ومن العين وقدام ردي .. ولحيها قصيف ..ومقدم ووجها دقاق ..

رقبتها مقبوله نوعاً مـا من خلال التصوير ..

جنبها حلو .. وقطعتها ككل زينه .. ولونها ووبرتهـا ماعليهـا ...

اعطيها من وجهة نظري : من 7 إلـى 10 بالكثير

........................

رد: التقييم بين الخبره والتدريب

متى دوري يابو فالح ...؟

رد: التقييم بين الخبره والتدريب

الدور وصل من يابو فالح

رد: التقييم بين الخبره والتدريب

>> سجلووني بالدوور <<
عندي مشاركه آخرى

رد: التقييم بين الخبره والتدريب

:: (( بمـا أن ابو فالح غاب عنـا عساه يرجع سالم .. نبي ننشط الموضـوع )) ::

والدور عند الاخ الغالـي : ( عبـدالعزيـز البقمــــــي ) .. وبما أنه تأخـر فالـدور عندي حسب السراء


وهذي بكره حقـه انتاج عندي ...


وياليت اللي يعرف يعدل الرابط على يوتيوب

http://www.alhadafa.com/uploadedfiles/vedios/2403.mp4

رد: التقييم بين الخبره والتدريب

السلام عليكم

الله لا يهينك يا ابو فالح على الموضوع الي ما يجيبه الا انسان يحب الفائده والخير والله يبيض وجهك ويجزاك خير

بداية الموضوع ركزت على الراس 50 % الرقبه 30% العمر 20 %

لذا ارى انك تجبر اي مقيم انه يلتزم بالثلاث هذي ويوضح نقص الرقم مثال الراس عطاه 40 ليش ؟

ومن ثم يقيم سعرها


وسلامة الجميع

رد: التقييم بين الخبره والتدريب

متى دوري يا أبــو فالح

رد: التقييم بين الخبره والتدريب

حسب نظري في بكرة اخوي مشعل الله يبارك له فيها

اعطيها في الراس 50 من 50 لان راسه مشاء طيب لامن سبال على ان عرنونها متوسط

ورقبتها مقبول اعطيها 20 من 30

وعمرها اعطيها 10 من 20 لاني اشوف ان جنب لاهوب الراهي ولا هبوب الردي متوسك

وسنمه ما هوب طيب البكره لاحقه ضعف

رد: التقييم بين الخبره والتدريب

أبو غزاي ..

بيض الله وجهـكـ .. وراعي أوّلـه دايم ..

والله لايحرمنا من تواجدك وحضوركـ ...

....

أشكر جميـع الأخوان اللي شاركوا بالموضوع :

ونبي تقييم السعـر ( أهم شي في هالموضوع ) ...

...

والدور على : عبدالعزيز البقمي بصفته تأخر وألاّ هو قبلي دورهـ .. ثم سلطان الدلبحي .. ثم محمد بن شرار .. ثم عبدالهادي الغفرانـي ..

...

رد: التقييم بين الخبره والتدريب

اخوان لو يكون لكل مطية موضوع مستقل -او يفتح قسم خاص -يتولى الاشراف عليه خبراء التقييم وبمشاركة الاخوان ظني يكون اوفق حتى نستفيد من خبرات الجميع بصورة واضحة لان الحين الواحد يرجع لكل مطية وكل مشاركة خاصة بالمطية ويمكن تكون في صفحة غير ...

رد: التقييم بين الخبره والتدريب

تقيمم بكرة يا مشعل ذكرته فووق بس السعر ما كتبة

وسعره في بحر العشرين

وانا شاركت وانتهية يا مشعل