سمـــــــــــل ذيدان سلطـــــان بـن عبدالعزيـــــــــز

من عنده معلومـات عن سمل أبل ولي العهد سلطـان ..

سمعنـا أن فيه أبل واجد يبي يوزعونها على الاسواق ويبيعونهـا ....

الله عنده علم .. وألاّ يعرف أحد الوكـلاء يفيدني الله يرحم وآلديكم ....

...

رد: سمـــــــــــل ذيدان سلطـــــان بـن عبدالعزيـــــــــز

[frame="10 98"]
صحيح و أنا أدل مكان الأبل و الأبل من جميع الفئات و أنا راح أكلمك
و اللي يبي يشتري يكلمني و علمة وين مكانها أو أعطية رقم واحد من
المسؤولين على الأبل
جوالي في صورة التوقيع

و شـــــــكــــــرًا

[/frame]

رد: سمـــــــــــل ذيدان سلطـــــان بـن عبدالعزيـــــــــز

على حد علمي ان الظاهر باع 40 فحل من المجاهيم بالجنادريه ونصها خيااااااار

رد: سمـــــــــــل ذيدان سلطـــــان بـن عبدالعزيـــــــــز

الابل عددها 462 متن ولايوجد فيها بعير واحد حسب معلوماتي

اما بالنسبه للفحول يمكن بيعت قبل الابل هذي ونزلوها السوق

الابل فيها اربع قطعان من الابل

وضح

حمر

صفر

مجاهيم

اللي شراها مجموعه مشركين فيها ....اسال الله سبحانه ان يوفقهم في بيعها ويربحهم

ايام قليله وتلقاها في كل سوق

رد: سمـــــــــــل ذيدان سلطـــــان بـن عبدالعزيـــــــــز

بيض الله وجيهكـم ...

وماقصرتـوا ...

مير اللي منكم يعرف عن موقعها شي .. وألاّ يخبر منهـا شي .. يرد لي خبر


وجزاكم الله خير ...

رد: سمـــــــــــل ذيدان سلطـــــان بـن عبدالعزيـــــــــز

موقعها فى الصياهد قرب دوار حفر العتش اليوم الخميس وجايه تمشى تبى تستقر فى الطوقى

رد: سمـــــــــــل ذيدان سلطـــــان بـن عبدالعزيـــــــــز

وين موقعها ومتى البيع

رد: سمـــــــــــل ذيدان سلطـــــان بـن عبدالعزيـــــــــز

قصيري شاري منها اربع ميه ابشر بكلمه او برسل له من يجيب العلم

رد: سمـــــــــــل ذيدان سلطـــــان بـن عبدالعزيـــــــــز

الابل كانت عند الامير فهد بن سلطان وسمل منها حوالي 450 ناقه من جميع الالوان واهداها كلها لضيدان بن هويدي وحسب الي سمعنا ان ضيدان باعها على مجموعه من اهل الابل لان الابل فيها ابل ضغط عالي وخصوصا الحمر هذا الكلام قبل شهر

رد: سمـــــــــــل ذيدان سلطـــــان بـن عبدالعزيـــــــــز

الابل لا زالت في المزرعة اللي في القاعدة دون حفر الباطن ....وتبي تظهر من المزرعة وسط الاسبوع الاثنين او الثلاثاء ....والرعايا ستة ذيدان... مجاهيم ووضح وحمر وصفر وشعل وشقح ...ولا فيها بعير....

رد: سمـــــــــــل ذيدان سلطـــــان بـن عبدالعزيـــــــــز

مامعها فحول

شسم المزرعه الي فيها

رد: سمـــــــــــل ذيدان سلطـــــان بـن عبدالعزيـــــــــز

السلام عليكم

ياليت يا اخواني

تعطونا وصف واضح وين موقعها اليوم حتى نتمكن من المرور عليها

ولك احترامي

رد: سمـــــــــــل ذيدان سلطـــــان بـن عبدالعزيـــــــــز

عطونا الموقع بضبط عشان نشوووووووووف الابل

رد: سمـــــــــــل ذيدان سلطـــــان بـن عبدالعزيـــــــــز

البل جا منها في سوق ابوجعشه قبل اسبوع 110 من المجاهيم وانباعت وتقريبا 80 ملاوين ولازال بعضها موجود
والبارحه وصل تقريبا 40 وضح وبالنسبه للمجاهيم معها فحل او اثنين واحد من الفحول اشتراه عبدالله بن سعد بن جلوي
وسلامتكم

رد: سمـــــــــــل ذيدان سلطـــــان بـن عبدالعزيـــــــــز

السمل قطعتين....قطعة شريت من وكيل الامير سلطان الدوسري وهي اللي يذكرون الاخوان بيعها في الاسواق.... وقطعة 460 شريت من ابن هويدي باقية الى الحين في مزرعة الامير سلطان اللي في القاعدة قبل حفر الباطن من عند محطة البطحانية على طريق رفحا ....