ماااذا تفعل لو هااجمك بعير ؟؟؟؟؟

رد: ماااذا تفعل لو هااجمك بعير ؟؟؟؟؟

عليكم السلام يالحصين ..

والله لو ينويك ومعك عشر عصي ما اشوف ألاّ غبرتك هههههههههه هذا كان سلمــت ... !!!

...

كان عندي قعود جذع كفوووو موقف في وصفه وساسه .. وشان طبعه .. حتى انك لاجيت ترده يعصى عليك .. ولا ضربته قام يزيد ..

ومره من المرات فكيته الظهر مع البل ويوم جيت للبل بعد نصف ساعه ماحصلته .. واثر مره ذود وتوطاااه وكب أبله ..

المهم حولت عليه بالعجراء وازريت ارده وقمت اضرب فيه بالعجراء وقام يزيد ونواني .. ولكن لو انسحبت بسرعه ( انحشت ! ) كان يمداني من صيد امس ..

لكن وقفت له وقمت اهوّب عليه واضربه وازحف وراي با اقل من مهلي .. لين وصلت السياره وعديت وركبت الموتر .. والله يالربع أنه يعض صندوق الجيب .. !

وبعدهــا : قرّبـت الدنـــــــــه .. وحملتــــــــه .. وبعتـــــه حراااااااااج ....... !

............

البعير ( لاتامنــــــــــــــــه ) !! حتى لو أنه ( هدي بالحيييييييييييييييييييييييييييل ) ولاتغفل عنه مهما كاااااااان !

رد: ماااذا تفعل لو هااجمك بعير ؟؟؟؟؟

ياهلا ويامرحبا بكم وبصاحب الموضوع

الله يامنا ويامنكم من كل شر

وبالنسبة للبعيرر لاخرب خرب الله يكفينا شره ,,, أحد من الربع قبل ثلاث سنين ساق بعيره لين جاء على رباطه المهم والبعير ناوي الرجال , والمهم يوم الرجال نزل وربط يد البعير والبعير يبرك الى الرجال , اثره برك على كتف الرجال ويده وتنكسر يده ويسحب نفسه شوي ولاعاد قدر يتحرك المهم يقول اشوف البعيريقوم يزحف يمي وهو مربوط والحمدلله انه مربوط ولا كان طحنه طحن , والرجال طايح انكسر واحد من ضلوعه وقام ينادي ولاكن ذاك اليوم ماكان عنده احد , لاكن اسعفه الله بالعامل جاه واتصل وعلى المستشفى , والحمدلله الرجال سلم , سلمه الله .

البعير حقود . وخاصة لارديته وهو يبي يضرب ناقة وضربته هذا قمة الحقد عنده ,,,.

رد: ماااذا تفعل لو هااجمك بعير ؟؟؟؟؟

عليكم بالسفنان في راس البعير ولا احث التراب في وجهة وصح فية يخاف ان ماكان مع عصا

رد: ماااذا تفعل لو هااجمك بعير ؟؟؟؟؟

ضربته ما فاد هشته بالعصا ولا فاد رشيت رمته بالرمل ولا فـآد ، المهم شمرت ثوبي وما يمديني أنقز الشبك إلآ وهو خام أخر طرف الثوب بنابه
وإنا رجال بكل صراحه مستصح وجسمي كان برى الشبك إمداني أحذف روحي برى لكن نابه كان أقرب من الارض وهو يخم الثوب بفكه واانا أخذ لي مرجيحتين على الهواء وبعدين فكني الله أن الثوب انشق وطلعت منه . وهو سحب الثوب للشبك وبرك عليه ،
والله أني أعاين فيه وهو يطحن في الثوب ، يا رياجيل عيون البعير { غارت من محلهاا ، وجلس يدمع وهو يطحن فيهاا }؟؟؟؟



والسالفه الثانية ، حصلت لي انا

عندي واحد من أخواني راعي خيـل وكل ما أخذ له فتره يروح يطمر بظهر أحد خيوله في المنطقه الشرقيه ،
حصل هذاك اليوم نروح نتشمى على البحر هو على فرسه وانا على الموتر ، المهم شفنا لنا خيول منطلقه من راعيهاا على مد نظرناا وناصيه الخط السريع أخوي لكز فرسه ونصا ها الخيول وانا عطيت الموتر سرعة يوم جيناا لقيناا { صعيدي } على شاطي البحر فوقه الرحول الي بالدوره يفرك فيه بالصبخه ،
نزل أخوي نزلت انا وكان معي عجراء عديناا يم الصعيدي وها الجبل الي فوقه يطحن فيه وانا أستاقه على خشمه مير ماش ملعون الثوى ما قام ، ونرده بوحده على خشمه إلا العجراء قطعتين والبعير فز من مبركه وأخوي سحب المصري من تحته وهو يتناوش البحر ويدخل المصري والبعير ما عاد يشوف إلا انا ، وانا أعدي يم موتري وأركبه وهو يجلس يبرم على الموتر وينصا اخوي والمصري ويجلس يصبرهم على الشاطي وانا أشغل الموتر وأصدمه على عراقيبه وهو ينطلق وأمشي وراه مسافه وأرجع للربع إلا المصري واقف على رجلينه مافيه غير الضلوع تكسرت ووديناه للمستشفى ..


آســف على الاطاله ،

رد: ماااذا تفعل لو هااجمك بعير ؟؟؟؟؟

عليكم السلام ورحمه الله وبركاته

بالنسبه للبعير اللي طبعه شين ومكول هذا غلط ان الرجال يخليه مع ابله حتى لو انه منتج لانه يعتبر خطر على راعي الحلال وعلى الرعيان

وبالنسبه للضرب ماينفع مع البعير لانه يزيده حقد على اللي يضربه ومشاكلها واجد وماقصروا الاخوان اللي اذكروا لنا بعض قصصها

نصيحتي لصاحب البعير المكول يبيعه مقصب,,, ولايبيعه حراج الا في حاله انه يعلم اللي يشريه انه مكول حتى ياخذ حسابه منه

رد: ماااذا تفعل لو هااجمك بعير ؟؟؟؟؟

والله كلام صحييييييح كله ومن ذهب

بيض الله ووجيهكم جميعاااااا على المشاركه والتعليق

لاهنتم

رد: ماااذا تفعل لو هااجمك بعير ؟؟؟؟؟

سبحان الله العظيم اللي ركب في الإبل صفات عجيبة ياإخوان البعير يعرف إن كانك تهينه ولا تأدبه يعرفك من تصرفاتك معه اهم شي لا تتسلط على البعير أو تهينه أو تتفل في وجهه بغير سبب تراه يعرف ويحقد ويجمع وإذا ظربت الفحل وشافك بعينه وانت تعرف من نظرته لك إذا هو يناظرك بحقد فأنت إبتعد عن عينه ولا تدخل على الفحل إلا أقل شي يكون معك عصا تهيبه فيها ولا تقرب له ثم تلتفت عنه ممكن بلحظه يقضي عليك الله يكفينا وإياكم الشر

رد: ماااذا تفعل لو هااجمك بعير ؟؟؟؟؟

قررط في ثووبك

وحط رجلك

رد: ماااذا تفعل لو هااجمك بعير ؟؟؟؟؟

ههههههههه
شاااااااااااااكر مرووركم الرااااااااائع والمييز وبيض الله وجيهكم جميعاا على المدااخله

رد: ماااذا تفعل لو هااجمك بعير ؟؟؟؟؟

[ALIGN=CENTER][TABLE1="width:95%;"][CELL="filter:;"][ALIGN=center]
سـلام عليكم واهنيك أخوي قاسم على الموضوع ...

هـذا يالربع قعـود شـاريه وتوه صغير سنه (لقي)

الا وطبعه زين ولا فيه شي

~~ ومره من الايام اروح للقعود مسكت القعود ونفضت شعره واقلع القرد عنـه

ويجي واحد من الربع واترك القعود وراي واروح للرجال مير مايمديني اهرج (اتكلم) قال اتنبه من القعود

التفت ليا هو ناصيني وابي ازحف عنه الا يوم جيت تحته ويقعـد يتهبد فيني ولا برك وانا احمد ربي فيني نشاط

الا وتمسك في رجيلنه اللي ورا(الخلفيه) وادحدر تحته لين قمت واطرح القعودوامسكه واهجره واقيده واربطه (ماخليت عنه شي مره )

ولا قعـد عندي اسبووع الا الدنه موديته السوق


واعذروني على الاطآله .~~
[/ALIGN][/CELL][/TABLE1][/ALIGN]

رد: ماااذا تفعل لو هااجمك بعير ؟؟؟؟؟

لاشفة البعير ناصيك مابه كلام
نفداك انطل الثوب واندس عنه

رد: ماااذا تفعل لو هااجمك بعير ؟؟؟؟؟

البعير اذا نواك والله ماتفكك عصاك
بس نصيحه البعير لاتضربه
واذا انحديت وضربته لازم ترغيه حتى يخاف منك

رد: ماااذا تفعل لو هااجمك بعير ؟؟؟؟؟

انشهد

البعير لاتحمقه علييك ثم تورط فيه ههههه

لالالاهنتم على الاضافات الجميله كاروعتكم

رد: ماااذا تفعل لو هااجمك بعير ؟؟؟؟؟

البعير يعرف راعيه والحذر مطلوب بكل الحالات حتى من بعض الابل بشكل عام

رد: ماااذا تفعل لو هااجمك بعير ؟؟؟؟؟

سبحان اللي سخرها لنا لكن اذا ابتليت بمناطح الجمل ولاعندك مكان تذرى فيه ماعليك الا نطق الشهادة وتسلم نفسك