هل يكفي التعليف بـ (برسيم + خبز) ؟؟؟؟

السلام عليكم ورحمة الله وبركاته



عندي 10 من الابل اعلفها حبتين برسيم في الصباح + كيس خبز في المساء , هل يكفي هذا لتسمينها

مع العلم ان البل توي شاريها ونا عليمي في البل وعلفها


ومشكووورين على الإفادة مقدماً .


وسلامتكم

رد: هل يكفي التعليف بـ (برسيم + خبز) ؟؟؟؟

اصبر عليها شهر بس وتشوف الي يسرك اهم شي تعالجها من الدود ولا تقطعها من الخبز على شان ما تنقض

رد: هل يكفي التعليف بـ (برسيم + خبز) ؟؟؟؟

اذا كانت البل ماتسرح

فكمية العلف قليلة وماتكفي لهذا العدد

[عبدالعزيز الغفراني]

رد: هل يكفي التعليف بـ (برسيم + خبز) ؟؟؟؟

لازم تعطيها علف

رد: هل يكفي التعليف بـ (برسيم + خبز) ؟؟؟؟

اضافة للعلف البل ترعى وارضها طيبه

ومشكورين على الرد وبيض الله وجوهكم

رد: هل يكفي التعليف بـ (برسيم + خبز) ؟؟؟؟

ان الارض طيبه بيسدها

رد: هل يكفي التعليف بـ (برسيم + خبز) ؟؟؟؟

سنة كامله وابلي ما طب بطنها لا شعير ولا وافي ولا خبز ،

نعطيهن {8ربطات في الصبح برسيم + نعشيهن 10 ربطات كذلك برسيم } وزانت عليه ووبرها زان ، بس الانقطاع يتعبها وتنقض ،
ولا حالها طيب بدنة ووبره وشحم رادم بس برسيم فقط ،

حبيت أعطيك علم من واقع تجربه

تقبـل مروري

رد: هل يكفي التعليف بـ (برسيم + خبز) ؟؟؟؟

لو انك تعطيها كيس شعير
مع الخبز والبرسيم

بتطيش اباعرك

والله يمنحك منها اتسرك

رد: هل يكفي التعليف بـ (برسيم + خبز) ؟؟؟؟

عطها كيسين خبز في المساء

وربطة برسيم واحدة مع الصباح

اشوفه افضل

رد: هل يكفي التعليف بـ (برسيم + خبز) ؟؟؟؟

اخوي فهد

رابح رابح رابح

اخوي شف بدنتها

بطونها كرشها

هل هي مثل القحه او منصفطه


الله يبارك لك عدد شعرها

وتربح منها ان شاء الله

جعل ما تنفق عليها مخلوف عليك من رب العالمين


وزي ما قالوا الاخوان
انتبه لدود كل بين فتره عطها علاج الدود
,

رد: هل يكفي التعليف بـ (برسيم + خبز) ؟؟؟؟

فــي راي

وكــل لــه راي

تبي الشحم والشعر الزينـه

عطــها (شعـير )


ولا تقطعها من الخبز والرسيم بعـد

وعــلى فكــره

علاج الدود مايضر

عطها بين فتره وفتره

زي ماقالو الاخوان


وتقبـل مروري

رد: هل يكفي التعليف بـ (برسيم + خبز) ؟؟؟؟

مشكلة الخبز التعفن وماهو نضيف بالحيل ويجيب الدود بإستمرار من رايي الشخصي الشعير اطيب

بالامكان تقطع الخبز وتبدله بكيس شعير كل ليل

والله ولي التوفيق

رد: هل يكفي التعليف بـ (برسيم + خبز) ؟؟؟؟

لا بالله مايكفي ولا حولها شبعه

عليك بالمكعب ولا الشوار والا الشعير للعشاء

وربطتين برسيم الصبح وربطتين المساء

وان شاءالله تشوف الي يسرك

تحياتي

رد: هل يكفي التعليف بـ (برسيم + خبز) ؟؟؟؟

سنة كامله وابلي ما طب بطنها لا شعير ولا وافي ولا خبز ،

نعطيهن {8ربطات في الصبح برسيم + نعشيهن 10 ربطات كذلك برسيم } وزانت عليه ووبرها زان ، بس الانقطاع يتعبها وتنقض ،
ولا حالها طيب بدنة ووبره وشحم رادم بس برسيم فقط ،

حبيت أعطيك علم من واقع تجربه

تقبـل مروري

كم عدد الابل؟؟؟؟؟؟؟؟؟؟؟؟؟؟؟؟؟؟؟؟

رد: هل يكفي التعليف بـ (برسيم + خبز) ؟؟؟؟

كم عدد الابل؟؟؟؟؟؟؟؟؟؟؟؟؟؟؟؟؟؟؟؟

عدد الابل { 38 } متـن ،،