هل فحول المغاتير مثل المجاهيم<<<السؤال غامض ، تبي تعرف قصدي أدخل

السلام عليكم
كيف حالكم
أن شاء الله طيبين
أنا توي مبتدي بمجال الأبل(طبعًا لين الحين ماشريت شيء ولكن أفكر أشري أن شاء الله على طلعه سهيل السنه الجايه)وأهتمامي بالمجاهيم والمغاتير
وكنت أفكر أشري ملحا أو وضحا ، وأغراني بالوضح طيب أهلها ولا يهونون أهل المجاهيم ولكن أبي أسأل أهل الوضح سؤال
دايم أشوف فحول المجاهيم طوال بمعنى الكلمة(الرجال ماهو شيء بجنب الفحل)
فهل فحول المغاتير فيها الطوال مثل المجاهيم؟
أنا سألت الأخ كامل قبل وأجابني لا
ولكن لعل وعسى أن فيه شيء مامر عليه
والله أني أقدر الفحل الكبير ولاني شايف مغاتير كبار وهذا من السلبيات الي قد تجعلني أتوجه للمجاهيم فيما بعد
وشكرًا

وعليكم السلام

ياهلا ومرحبا أما بالنسبه للسؤال فالضخامه والكبر تكون للمجاهيم خصوصا طول القامه وعرض الجنب

وجلاله العظام ( كبيرة ) وفيه ميزات كثيره هذا للفحل المجهم

أما بالنسبه للفحل الأوضح فهو لا يعيبه اذا كان قصير ومن العاده ان يكون قصير القامه وهذه صفه في الوضح عموما
لكن فيه فحول وضح طوال بعضها ونادره وهذا مما يزيد الزين فيها

ولكن كلها عطايا الرحمن ان جيت مجاهيم زينه وان جيت وضح ازين

لكن أسأل نفسك وش ترتاح للمجهم او للمغتر ؟ وبعدها قرر وش تشتري

الأخ سلمان العتيبي
أشكر لك ردك الكريم
وبأنتظار البقية
وشكرًا

ياخالد اشري مجاهيم!! وتوكل على الله لكن يبيلك تصبر عليها تراها تعيبه لكن يهون كل شيء اذا لقيت ساروح جيد يطبعها زين!! ويوالفها وإن شالله بتقدر على العلوم الطيبه وبعينك الله عليها
أما بالنسبه لفحول المجاهيم فهي أكيد أكبر وأطول عظاماً من فحول المغاتير بس مو دائماً

تحياتي أخوك خالد

هلا بك ياخالد
والله لا يهينك على ردك
والله يعين
أنا نويت أشري مغاتير يوم أغراني بها طيب أهلها
ويوم شفت سويعيان ماشاء الله عليه تلخبطت حساباتي كلها
وشكرًا

اهل البل بجميع ألوانها ياخالد بأذن الله طيبين ومايقني البل الا ان شاءالله طيب وأنت طيب وتستاهل وعلمك طيب لكن أنا من وجهة نظري تشري مجاهيم بس أنا أقلك تعيبه اذا كانت شرايا يبيلك فتره توالفها .... أنا لي سنه اطبع فيها لانها شرايا من كل مراح وحده او ثنتين لكن الحين من يوم تشوف الموتر وهي في المفلا ونزلت من السياره والا هي حولي هالمنظر ينسيك تعبك ودراهمك اللي صرفتها عليها ههههه
وإذا شريت النوقات ( مجااااااهيم) أنا لك عندي فحل يجيك لمحلك تهده فالبل بس فحل على قد حالنا اذا حدتك الظروف وماعندك فحل وأبشر بعزك

اهل البل بجميع ألوانها ياخالد بأذن الله طيبين ومايقني البل الا ان شاءالله طيب وأنت طيب وتستاهل وعلمك طيب

الله يطيب فالك
ومافيه شك أن أهل البل طيبين مثلك وشرواك
وهذا الي شفته منهم

لكن أنا من وجهة نظري تشري مجاهيم بس أنا أقلك تعيبه اذا كانت شرايا يبيلك فتره توالفها .... أنا لي سنه اطبع فيها لانها شرايا من كل مراح وحده او ثنتين لكن الحين من يوم تشوف الموتر وهي في المفلا ونزلت من السياره والا هي حولي هالمنظر ينسيك تعبك ودراهمك اللي صرفتها عليها ههههه

ماشاء الله عليك
وعز الله أنك صادق
يوم تجي الا هي بانتظارك
والله أنا تسوى لها شيء واجد

وإذا شريت النوقات ( مجااااااهيم) أنا لك عندي فحل يجيك لمحلك تهده فالبل بس فحل على قد حالنا اذا حدتك الظروف وماعندك فحل وأبشر بعزك

بيض الله وجهك
وماقصرت
ولكن أنا من بعد ماشفت سويعيان ماعاد انا مضرب ألا عليه(الله لا يعوق بشر)وراشد العرق ماقصر معي ، ووعدني خير
والله لا يهينك على كل حال
وشكرًا