س/ سوال وً اًبيَ منكمٌ .. ج/ جوآب ^_^

السلام عليكم ورحمه الله وبركاته

اسعد الله اوقاتكم بكل خير و موده

وبمآ انه اول موضوع لي اقول يسرني ويشرفني تواجدي بينكم
وعلومكم غانمه وتنومس اهل الابل وانتم تحرون بهآ

سوالي سلمكم الله انا استغليت رخص الابل في هالفتره الصيفيه و كونت لي ذود حمر
و الله يطرح فيها البركه ولا يخسرنا لا حنا ولا اهل الابل عامه .. من ضمن ما شريت خلفاء تحتها قعود

ويعلم الله ما شريتها الا من طيب ولدها راسه وجرمه مواريه مواري فحل بآذن الله .. وودي افحله و ان شاء الله

انه هو فحل الابل ان الله ستر عليه وحمآه

لكن سئلت راعيه الاول عن اصله قال ابوه بعير آل الشيخ اللي بآعه على ابن فنيسان السبيعي

فـ/ اللي ابيه منكم الحين تعلموني ياهل العرف عن اصل هالبعير اللي كان عند ال الشيخ سابقآ وانتقل لبن فنيسان السبيعي


و انا في انتظاركم

تحيآتي لكم

رد: س/ سوال وً اًبيَ منكمٌ .. ج/ جوآب ^_^

يالربع ان كانكم ما تعرفون عن البعير شي

يكفيني رد السلام وترحيبكم ترا 8 ولا رد منكم احد

رد: س/ سوال وً اًبيَ منكمٌ .. ج/ جوآب ^_^

الاخ عواض

وعليكم السلام ورحمة الله وبركاته

ونسأل الله ان يبارك لنا ولك ولجميع المسلمين

بالنسبه للبعير اللي سئلت عنه ما اعرفه

ولكن اصل بعارين ال الشيخ من الامير سلطان ابن محمد
هذا حسب علمي

وعند ابن قريع بعير شاريه من ال الشيخ منتج وانتاجه من افضل
الانتاج اللي في الجزيره نسال الله له البركه

رد: س/ سوال وً اًبيَ منكمٌ .. ج/ جوآب ^_^

بيض الله وجهك يا عبدالله

يعني تنصحني بآن افحل القعود دامه من هالسلاله
علمن انه راس و غارب وجرم شكليآ ماشاء الله عليه

رد: س/ سوال وً اًبيَ منكمٌ .. ج/ جوآب ^_^

الاخ عواض

اما النصيحه لازم اشوف القعود وامه ابوه وبعدين اقولك
رايي

وانت لازم انك تسال لين تشوف ابوه وتعرف ساسه عدل
لانك تبا تفحل منت بشريطي تبا تبيع

رد: س/ سوال وً اًبيَ منكمٌ .. ج/ جوآب ^_^

أول شي / يامرحبا ومسهـلا والله يحييك بين أخوانك ..

ثاني شي / لاعلم لدي عن هالبعير ..

وكان بغيـت تستشير فنزل صور القعود ويعطونك الاخوان رايهم ومرئياتهم فالقعود ..

أما اذا كنت تستفسر عن أصل أبو القعـود فننتظر من عنده العلم اليقين ..

..

تقديري

رد: س/ سوال وً اًبيَ منكمٌ .. ج/ جوآب ^_^

أرحب يا عواض وحياك الله في منتدى مزاين نورت طال عمرك بنور اخوانك ،،

أخوي الغالي فيه مثل دارج عند الشيبان إلآ وهو { الولد والقعود مخلفين العهود } ،،

يعني لا تفحل شيء ولا تنتظر سنين تمر إلآ وأنت على علم ودرايه بإن القعود ساس طيب ،

أنت نزل لنا صورة القعود وإن شاء الله أخواناا هنا ما راح يقصرون معاك كلن بيعطيك رايه ،،

رد: س/ سوال وً اًبيَ منكمٌ .. ج/ جوآب ^_^

أول شي / يامرحبا ومسهـلا والله يحييك بين أخوانك ..

ثاني شي / لاعلم لدي عن هالبعير ..

وكان بغيـت تستشير فنزل صور القعود ويعطونك الاخوان رايهم ومرئياتهم فالقعود ..

أما اذا كنت تستفسر عن أصل أبو القعـود فننتظر من عنده العلم اليقين ..

..

تقديري

بيض الله وجهك يالشويش و ان كاني على فاقه بنزل له صوره

تحياتي

رد: س/ سوال وً اًبيَ منكمٌ .. ج/ جوآب ^_^

أرحب يا عواض وحياك الله في منتدى مزاين نورت طال عمرك بنور اخوانك ،،

أخوي الغالي فيه مثل دارج عند الشيبان إلآ وهو { الولد والقعود مخلفين العهود } ،،

يعني لا تفحل شيء ولا تنتظر سنين تمر إلآ وأنت على علم ودرايه بإن القعود ساس طيب ،

أنت نزل لنا صورة القعود وإن شاء الله أخواناا هنا ما راح يقصرون معاك كلن بيعطيك رايه ،،

آلبقا يا مرحب ..
و النور نوركـ لا هنت

و بالنسبه للمثل انا ما نزلت هالموضوع الا متخوف من هالمثل
ودي اعرف سلالته هل هي معروفه
لكن القعود انا شفت اخوه جذع و اخوه صوره ما شاء الله

و الله يطرح البركه

وباذن الله بنزل له صوره
تحياتي و فرصه سعيده